BOBONARO, EKONOMIA, HEADLINE, MUNISÍPIU

DTT Bobonaro apela keixa motorista ne’ebé hasa’e tarifa

DTT Bobonaro apela keixa motorista ne’ebé hasa’e tarifa

Responsável rejistu veíkulu, diresaun transporte Terrestre munisípiu Bobonaro, Tomás Maia. Imajen Tatoli/Sérgio da Cruz.

BOBONARO, 05 agostu 2022 (TATOLI) – Diresaun transporte terrestre, delegasaun territoriál munisípiu Bobonaro, apela ba pasajeitu sira atu hato’o keixa bainhira deteta motorista bís diresaun kapitál Maliana-Dili hasa’e tarifa $6 ba leten.

Funsionáriu DTT munisípiu Bobonaro,Tomás Maia, haktuir iha semana rua ba kotuk, ekipa DTT inklui Polísia Nasionál Timor-Leste, seksaun tránzitu munisípiu Bobonaro, sosializa ona diploma ministeriál kona-ba tarifa bís hodi konsiesializa motorista sira kumpre regra ne’ebé governu fó sai ona.

Iha atividade rútina ne’e mós ekipa sira konsege identifika iha motórista balun hasa’e tarifa hosi $6 dolar ba to’o $8, maibe to’o agora pasajeiru sira seidauk hato’o keisa.

Notísia relevante: DTT Bobonaro rejeita bís Dili-Maliana folin sa’e ba $8

“Ha’u sujere ba pasajeiru sira, karik akontese ida-ne’e tenke hato’o keisa mai ami, tanba bainhira tún mak sira husu liuhosi $6, tenke mai keixa iha DNTT Maliana ka Dili, atu ami bele halo xamada ba kondutór no karreta ne’ebé hasa’e tarifa ne’e,” nia informa ba Jornalista sira, iha kna’ar-fatin, seste ne’e.

Nia dehan, ba oin ekipa kontinua esforsu kontinua sosializa rútina, hahú hosi tuku 04:00 madrugada iha fatin estasionamentu Tunubibi, suku Tapo-Memu, postu administrativu Maliana, atu kontrolu tarifa ba transpórte públiku, liuliu bís diresaun hosi kapitál Maliana-Dili.

“Ami atividade ne’e ruúina, karik ami hetan sira hasa’e tarifa, ami sei halo apreensaun ba dokumentu, karta kondusaun motorista nian,” nia hateten.

Tomás mós husu ba motorista sira halo atividade tuir regra ka despaxu ne’ebé fó sai-oa, tanba iha loron 21 fulan-jullu, Governu liuhosi Ministériu Transporte no Komunikasaun (MTKI) distrbui ona voucher subsídiu kombustível ba transporte públiku iha munisípiu Bobonaro hamutuk 52 kada fulan hetan litru 150.

Tuir dadus ne’ebé diresaun transporte Terrestre munisípiu Bobonaro rejista hahú hosi tinan 2020 até agora, bís auto carro ne’ebé hala’o opersaun hosi diresaun Maliana-Dili hamutuk 32 no hosi númeru ne’e bís 21 mak sei ativu hela tula pasajeiru.

Notisia Relevante:DTT Bobonaro sei kontrola bís ne’ebé movimenta latuir regra

Jornalista: Sérgio da Cruz

Editór: Evaristo Soares Martins

iklan
iklan

Leave a Reply

iklan
error: Content is protected !!