DESPORTU, DILI, HEADLINE

FFTL kontinua fó treinu ba juveníl

FFTL kontinua fó treinu ba juveníl

Jogadór sentru juvenil. Imajen Tatoli/Hortencio Sanches

DILI, 08 agostu 2022 (TATOLI) –Diretór Tékniku Federasaun Futeból Timor-Leste (FFTL) hanesan Responsavél másimu ba atividade treinamentu ba juveníl (grassroots), Gaspar Quintão, informa daudaun kontinua fó importansia ba atividade treinu ba juveníl (grassroots) ka treinu ba labarik ki’ik sira iha futeból hodi buka fini jogadór ne’ebé di’ak iha futuru.

“Treinamentu ba juveníl ka grassroots sira iha FFTL kontinua la’o normál hela. Maibé iha semana ida sira sei feria tanba labarik sira sei bá tuir ezame segundu períodu nian. Nune’e  semana oin ezame hotu sira kontinua treinamentu,” Diretór Tékniku FFTL ne’e hateten ba Agência TATOLI iha edifísiu FFTL Dili, segunda ne’e.

Notísia relevante:  AFO fó treinamentu ba jogadór juvenil feto-mane 200 

Objetivu loloos hosi treinamentu juveníl ka grassroots atubele buka fini ba jogadór selesaun nasionál nian.

“Treinamentu ne’e grassroots ne’e ita kria atu buka fini jogadór sira liuhosi tais, bainhira sira nia tinan to’o ba U-13 nian bele koloka ona sira ba U-16. Ita prepara ketak ona tuir idade sira nian to’o selesaun seniór,” nia afirma.

Nia dehan, rezultadu hosi treinamentu juveníl mak to’o ohin loron mosu jogadór barak ne’ebé klube sira utiliza hela no barak mós joga hela iha selesaun nasionál U-16 to’o seniór.

Nune’e, daudaun FFTL halo ona kooperasaun ho Sekretáriu Estadu Juventude no Desportu (SEJD) atu loke akademia ba juveníl ka grassroots iha munisípiu hotu.

Tuir dadus ne’ebé FFTL rekolla totál labarik ne’ebé halao hela treinamentu iha juveníl ka grassroots iha Dili hamutuk 200-resin no treinadór Timoroan hamutuk na’in-ualu ne’ebé na’in-haat fó treinu dadeer no na’in-haat seluk fó treinu lokoraik iha kampo FFTL Dili hahú segunda to’o sesta.

Notísia relevante:  FFTL hahú normaliza treinamentu ba juveníl 

Jornalista: Hortencio Sanchez

Editór       : Florencio Miranda Ximenes

iklan
iklan

Leave a Reply

iklan
error: Content is protected !!