EKONOMIA, HEADLINE, MUNISÍPIU, OÉ-CUSSE (RAEOA)

UIF selebra ona akordu ho organizasaun rejionál 22 kombate krime brankamentu kapitál

UIF selebra ona akordu ho organizasaun rejionál 22 kombate krime brankamentu kapitál

Diretora EzekutivaUnidade Informasaun Finanseira BCTL, Maria José de Jesus Sarmento. Imajen Tatoli/Egas Cristovão.

OÉ-CUSSE, 10 agostu 2022 (TATOLI) – Unidade Informasaun Finanseiru (UIF) hosi Banku Sentrál Timor-Leste (BCTL, sigla portugés), daudaun ne’e estabelese ona kooperasaun liuhosi selebrasaun akordu ho organizasaun iha nível rejionál hamutuk 22 hodi kombate krime brankamentu kapitál no finanseiamentu terrorizmu.

Diretora Ezekutiva UIF, Maria José Sarmento, informa lei anti brankamentu kapitál no finansiamentu terrorizmu ho dekretu lei nian, regula organizasaun no funsionamentu UIF hodi fó podér ba diretora ezekutiva atu propoin mekanizmu kooperasaun ho entidade relevante sira iha nível nasionál no internasionál, ho kombate krime brankamentu kapitál no finansiamentu terrorizmu.

“Iha nível nasionál ami formaliza ona kooperasaun liuhosi akordu, hamutuk instituisaun relevante 11 nomoos iha nivél internasionál UIF iha estranjeira, ne’e halo ona akordu hamutuk 22, iha nivél rejionál Ázia Pásífiku hamutuk 17, nomoos iha Komunidade Nasaun Língua Portugés (CPLP, sigla portugés) nian,” Maria José Sarmento, informa ba jornalista sira hafoin realiza sensibilizasaun informasaun medida prevensaun kombate brankamentu kapitál no finansiamentu terrorizmu iha salaun Alfandega Oé-Cusse, kuarta ne’e.

Objetivu hosi asina akordu ne’e bele serbisu hamutuk fó asisténsia no fasilita formasaun ba malu kona-bá UIF ne’ebé iha nesesidade ba formasaun atu kapasita tékniku sira, liuliu atu promove kooperasaun atubele troka intelijénsia, hodi kontribui ba prosesu prevensaun no kombate brankamentu kapitál no finansiamentu terrorizmu iha Timor-Leste no nivél internasionál.

“Tanba krime brankamentu kapitál no finansiamentu terrorizmu, krime sira-ne’e ohin loron la’ós akontese iha nasaun ida de’it, maibé nia natureza ne’e hanesan transnasionál, laiha fronteira, bele akontese krime orijen iha nasaun seluk, mai halo fali krime brankamentu kapitál iha Timor-Leste ka  kontráriu,” nia akresenta.

Tuir nia, akordu ne’e realiza iha nasionál mak hanesan, Ministériu Públiku (MP), Polísia Sientífika Investigasaun Kriminál (PCIC, sigla portugés), Komisaun Anti Korrupsaun (CAC, sigla portugés), Komisaun Funsaun Públika (KFP), Servisu Rejistrasaun no Verifikasuan Emprezariál (SERVE), Polísia Nasionál Timor-Leste, (PNTL).

Nune’e mós halo akordu ho Autoridade Aduaneira, Autoridade Tributária, Rejistu Sivíl Notariadu, Banku Nasionál Komérsiu Timor-Leste (BNCTL, sigla portugés), Minisériu Justisa (MJ) no instituisaun seluk tán.

Purtantu, UIF ho nia abreviasaun nu’udar entidade administrativa ne’ebé harii iha Banku Sentrál Timor-Leste, Lei númeru 17/2011, 28 dezembru,

Notísia relevante: Krime brankamentu kapitál no finansiamentu terrorizmu sai problema boot iha mundu

Jornalista   : Abílio Elo Nini
Editór         : Evaristo Soares Martins

iklan
iklan

Leave a Reply

iklan
error: Content is protected !!