BAUCAU, HEADLINE, MUNISÍPIU, SEGURANSA

Tránzitu Baucau rejista asidente tráfegu 74

Tránzitu Baucau rejista asidente tráfegu 74

Xefi seksaun tranzitu PNTL Baucau, Inspektór Asistente, Alfredo Therik. Imajen: Agênsia TATOLI/Natalino Belo

BAUCAU, 12 agostu 2022 (TATOLI) – Komandu Polísia Nasionál Timor-Leste (PNTL) Munisípiu Baucau liuhosi seksaun tránzitu durante trimestre daruak rejista asidente tráfegu 74.

Xefe seksaun tránzitu munisípiu Baucau, Inspetór Asistente Alfredo Therik, esplika, kazu asidente ne’e hahú hosi fulan-maiu, juñu no jullu no semana dahuluk hosi fulan-agostu kompostu hosi asidente kmaan 59, todan 11 no rezulta mate haat.

“Kauza akontese tanba mai hosi ema, halai ho velosidade aas no kontra regra nune’e hamosu asidente,” Xefe sesksaun tránzitu Baucau hateten iha Vila Nova, sesta ne’e.

Kazu hirak-ne’e kontinua iha prosesu hamutuk 11, rezolve tuir família 35, rejista iha Ministériu Públiku haat no taka hamutuk haat, ne’ebé rezulta viatura aat kategoria todan hamutuk lima no kmaan 58.

Seksaun tránzitu mós rejista infrasaun hosi viatura estadu nian kompostu hosi karreta haat no motorizada haat, enkuantu transporte privadu komposta hosi karreta haat no motorizada 45.

Viatura estadu nian hetan asidente tanba soke animál, motorizada ho karreta soke malu maibé parte rua maioria konkorda rezolve tuir família nune’e devolve hikas ba instituisaun relevante.

“Karreta no motorizada sira-ne’e balun relata ona Ministéru Públiku, balun rezolve família no balun devolve hikas ba na’in,” Alfredo Therik akresenta.

Seksaun tránzitu Baucau rasik durante trismestre daruak hatama reseita koima ba estadu hamutuk $2.987.

PNTL Baucau aplika dekretu-lei númeru 6/2003 kona-ba kódigu estrada, artigu 147 númeru 2 no artigu 151 ne’ebé hateten, kona-ba valór koima mínima.

Dekretu-lei kódigu estrada artigu 147, númeru 2 no artigu 151 ne’ebé hateten kona-ba valór koima mínima hanesan la lori dokumentu previstu iha artigu 79 númeru 4 ho valór $30.

Nune’e mós la uza kapasete prevista iha artigu 76 ho valor koima $30, kontra orden autoridade artigu 4 hetan koima $45 no laiha karta kondusaun kontra kódigu penál artigu 207 no ameasada ba pena prizaun tinan rua.

Jornalista    : Natalino Belo

Editór           : Evaristo Soares Martins

iklan
iklan

Leave a Reply

iklan
error: Content is protected !!