iklan

HEADLINE, SAÚDE

OMS “briefing” mídia nasionál kona-ba preparasaun TL hasoru moras monkeypox

OMS “briefing” mídia nasionál kona-ba preparasaun TL hasoru moras monkeypox

Reperzentante Organizasaun Mundiál Saúde (OMS) iha Timor-Leste, briefing mídia nasionál kona-ba  preparasaun no mekanizmu prevenensaun hosi Estadu Timor-Leste hasoru surtu monkeypox.Imajen/espesial

DILI, 16 agostu 2022 (TATOLI)—Reperzentante Organizasaun Mundiál Saúde (OMS) iha Timor-Leste, Arvind Mathur, tersa ne’e, briefing  mídia nasionál kona-ba preparasaun no mekanizmu prevensaun hosi Estadu Timor-Leste hasoru surtu monkeypox.

OMS briefing mídia nasionál, kompostu hosi mídia online, jornál, rádiu no televizaun ho objetivu atu média sira halo kobertura foku liu ba prevensaun no oinsá atu hadook an hosi kontajia surtu atu sosiedade bele koidadu an.

“Atividade ohin ne’e ko’alia kona-ba oinsá Timor-Leste nia preparasaun hasoru surtu monkeypox bainhira  surtu ne’e mosu ne’e saida mak média sira presiza halo no profisionál saúde liuliu ba halo tratamentu hasoru suspeitu sira no oinsa atu eduka sidadaun sira prevene aan hosi surtu refere,” Reprezentante  OMS ne’e, hateten hafoin briefing ba mídia iha salaun OMS-Caicoli, tersa ne’e.

OMS esplika ba média nasionál sira katak fó ona apoia reajente teste ka PCR surtu Monkeypox ba Minsitériu saúde liuliu Laboratoriu Nasionál Saúde nian.

“Ami mós apoiu ona teste kits ba Laboratóriu Nasionál Saúde para halo teste ba virus bainhira kazu ne’e mosu atu halo identifikasaun no prevensaun,” Arvind Mathur informa.

Iha fatin hanesan,  Prezidente Konsellu Imprensa Timor-Leste,  Vírgilo Guterres, hateten, Organizasaun Mundiál Saúde realiza briefing ba média ne’e importante tebes no oinsá atu hatene  surtu mokeypox, ai-moruk vasina no ekipamentu médiku sira.

“Briefing ba média ida ne’e natoon ona maibé ba oin tenke envolve no kapasita ba média hotu atu entende didiak kona-ba área saúde liuliu hanesan kazu COVID-19 ne’ebé mak akontese liubá ona, nune’e hatene kazu monkeypox  nia da’et oinsá  no nia prevensaun oinsá atu públika karik komunidade sira bele hatene nia lala’ok,” nia afirma.

Prezidente KI husu ba Ministériu saúde atu halo briefing ba média regularmente liuliu foku ba moras monkeypox atu jornalista sira bele akompaña di’ak liután hodi fó sai informasaun ho loloos no justu.

Alende ne’e, situasaun epidemolojia Globál fó sai katak dezde iha loron 1 janeiru 2022 Organizasaun Mundiál Saúde relata ona kazu sira husi membru estadu hamutuk 76 husi rejiaun neen OMS nian.

Iha loron 20 jullu 2022, totál kazu monkeypox hamutuk 14,533 ne’ebé konfirmadu husi laboratóriu inklui mate na’in-lima ne’ebé mak relata ona ba Organizasaun mundiál saude.

Monkeypox   moras ne’ebé limita-an ho tipikamente no mosu durante semana rua to’o semana haat nia laran no períodu enkubasaun bainbain entre loron neen to’o 13 no bele mós hahú husi loron lima to’o 21.

Sintoma tipikal sira ne’e mak hanesan isin manas, ulun moras, isin uat moras, kotuk laran moras, laiha enérjia, isin kulit mean ka kanek.

Jornalista : Felicidade Ximenes

Editór       : Florencio Miranda Ximenes

iklan
iklan

Leave a Reply

iklan
error: Content is protected !!