iklan

EKONOMIA, HEADLINE

PR agradese ba Telemor nia apoiu iha telekomunikasaun durante tinan-10

PR agradese ba Telemor nia apoiu iha telekomunikasaun durante tinan-10

Prezidente Repúblika, José Manuel Ramos Horta, entrega sertifikadu apresiasaun ba Diretór Ezekutivu Telemor, Tran Van Bang, iha salaun Oka, Osindo 1, entrega sertifikadu iha ámbitu selebrasaun aniversáriu tinan-10 ezistensia Telemor iha Timor-Leste, segunda (22/08). Imajen Tatoli/Francisco Sony

DILI, 22 agostu 2022 (TATOLI)—Prezidente Repúblika (PR), José Manuel Ramos Horta, segunda ne’e, hato’o parabéns ba operadór telekomunikasaun Telemor hosi Vientame ne’ebé fó ona apoiu ba área telekomunikasaun ba povu Timor-Leste durante tinan-10.

Grupu Timor Diak aprezenta dansa kulturál iha ámbitu selebrasaun aniversáriu tinan-10 ezisténsia Telemor iha Timor-Leste, iha salaun Oka, segunda (22/08). Imajen Tatoli/Francisco Sony

“Parabéns ba aniversáriu Telemor ba dala-10, nune’e agradese mós ba servisu ne’ebé ita boot sira fó ba nasaun ida-ne’e, liuliu ba ita-nia komunidade hodi inova ba telekomunikasaun iha Timor-Leste hodi ajuda dudu Timor-Leste adapta ba era dijitalizasaun,” PR Horta hateten iha salaun Oka, Osindu 1.

Nia dehan, iha era dijitál ne’e tinan-lima ka tinan sanulu mai tan mundu sei haree inovasaun no mudansa boot tebes iha Sudeste Aziátiku ho prezensa Telemor ne’ebé hetan apoiu iha nasaun laran hodi dezenvolve teknolojia dijitál.

Iha biban hanesan, Ministru Transporte no Telekomunikasaun, José Agostinho da Silva, hateten, eventu ne’e labele de’it sai hanesan aniversáriu maibé ba oin tenke iha halo servisu di’ak liután iha nasaun hotu.

“Telemor fó ona kontribuisaun signifikante tebes iha sira-nia eziste, nune’e parabéns ba ema hotu ne’ebé servisu iha Telemor no agradese ba ita-boot sira-nia investimentu ne’ebé halo ona,” nia akresenta.

Notísia relevante: Tinan 10 ezisténsia, Telemor promete kontinua moderniza setór telekomunikasaun

Telemor nu’udar empreza Viettel Group ne’ebé nu’udar grupu indústria telekomunikasaun konduzidu hosi Vietnama ne’ebé susesu ona halo investimentu iha nasaun 11 no kontinente tolu inklui Timor-Leste.

Operadór telekomunikasaun halo investimentu iha Timor-Leste hafoin Governu fó autorizasaun negosiasaun iha loron 22 agostu 2012.

Diretór Ezekutivu Telemor, Tran Van Bang. Imajen Tatoli/Francisco Sony

Nune’e mós, Diretór Ezekutivu Telemor, Tran Van Bang, hateten, ba oin Telemor sei halo melloramentu kualidade infraestrutura iha rede internet iha fulan-balun mai tan hodi atende komunidade ho di’ak, simultaneamente prepara hodi implantasaun konesaun broadband no prestasaun servisu 5G.

Objetivu prinsipál Telemor iha Timor-Leste ne’e iha tinan oin mai tan sei kria jerasaun dijitál halo formasaun ba sosiedade dijitál iha Timor-Leste, Gen-D mak signifika hosi Generation of Digital no sai jerasaun ema ne’ebé entuziasmu hodi estuda no aproveita harii teknolojia ne’ebé iha aspetu hotu ne’ebé iha ema nia moris privadu no profisionál sira.

Iha aselebrasaun aniversáriu ba dala-10 ne’e sira disponibiliza mós área espozisaun ba kliente sira hosi Telemor hanesan Telemor Musem, VR Tour 360-Telemor Travel, Telemor Timeline Wall, no espozisaun servisu Telemor e-wallet Mosan, super app Kakoak, servisu Seluler, Solusaun ICT, no sistema aprendizajen online meskola.

Antes atu komemora loron aniversáriu ba dala-10, Telemor prepara ona programa halo promosaun oin-oinba kliente sira hanesan promosaun Lucky Spin, ne’ebé hanesan promosaun ida ba kliente sira hodi hetan prezente oin-oin hosi Telemor.

Promosaun Telemor Finteech ida ne’e hanesan game iha aplikasaun mosan mak kolega mosan, no prezente sira seluk ne’ebé oferese ba kliente sira bainhira manán game.

Aleinde ne’e, atu selebra atu selebra aniversáriu Telemor ba dala-10, Telemor realiza roadshow, Telemor Run to the Top, no Telemor Digital Products. Nune’e Telemor mós mantein Program Cooperate Social Responsibility (CSR), ne’ebé partilla domin ba labarik no ema ho defisiénsia orfanatu ne’ebé Telemor vizita orfanatu 10.

Telemor mós lidera implantasaun produsaun teknolojia foun hanesan 3G, 4G, no 4G+, no fornese servisu karteira eletrónika no parseria ho facebook, google, no tiktok iha Timor, ne’ebé Telemor mós nu’udar operadór internet dahuluk ne’ebé hamosu esperénsia dijitál ne’ebé seidauk uza ho prosaun hanesan web film-local movie store-Cinema tl, Timor TV mobile TV, MOSAN e-wallet, no super app use kakoak.

Jornalista   : Arminda Fonseca

Editora        : Julia Chatarina

iklan
iklan

Leave a Reply

iklan
error: Content is protected !!