iklan

DESPORTU, DILI, HEADLINE

SEJD kria ona ekipa jere kampu futeból iha Lecidere  

SEJD kria ona ekipa jere kampu futeból iha Lecidere   

Ministru Edukasaun, Juventude no Desportu, Armindo Maia hamutuk ho Embaixadór Xina iha Timor-Leste, Xiao Jianguo, inaugura Kampu Multi-funsaun iha Lecidere, tersa (30 agostu 2022). Imajen Tatoli/António Daciparu

DILI, 02 setembru 2022 (TATOLI)– Sekretáriu Estadu Juventude no Desportu (SEJD), Abrão Saldanha, informa hahú kria ekipa jestaun atu jere kampu futeból amizade Xina no Timor-Leste iha Lecidere.

“SEJD mak haree no jere kampu futeból ne’e, atubele ekipa futeból utiliza ba treinu nian, liuliu ekipa futeból ne’ebé hakarak uza ba treinu tenke halo lisensa no hetan autorizasaun hosi mak bele utuliza,” hateten Sekretáriu Estadu ne’e ba Jornalista-sira iha edifísiu SEJD, sesta ne’e.

Notísia relevante:  Xina oferta $300.000 ba SEJD reabilita kampu futeból iha Lecidere

Ekipa jestaun nia funsaun atubele tau matan, nune’e bele fó oportunidade hanesan ba ekipa futeból hotu atubele utiliza ba treinu.

Sekretáriu Estadu Juventude no Desportu, Abrão Saldanha. Imajen Tatoli/Francisco Sony

“Jestaun no manutensaun ba kampu ne’e SEJD mak sei jere, liuliu sei buka seguransa atu asegura ba kampu ne’e no manutensaun aban bainrua aat karik SEJD mak sei responsabiliza,” nia afirma.

Tuir kritéria klube futeból sira hakarak utuliza sei fó gratuita no iha futuru nia intensidade maka’as ona mak foin bele selu atu nune’e bele hatama reseita ba Estadu.

Konstrusaun ne’e hahú iha abríl no termina iha 30 agostu 2022, nune’e empreza entrega ona Governu Timor-Leste liuhosi Sekretáriu Estadu Juventude no Desportu (SEJD).

Entretantu, Governu Repúblika Populár Xina liuhosi Embaixadór iha Timor-Leste selebra akordu ho Sekertáriu Estadu Juventude no Desportu (SEJD) hodi oferese $300.000 atu halo re-abilitasaun ba kampu futeból iha Lecidere-Dili.

Doasaun fundu ne’ebé oferese hosi povu Xina ne’e ba joven sira iha Timor-Leste hodi komemora tinan 20 kooperasaun Timor-Leste ho Xina.

Dezeñu ba kampu ne’e empreza Xanhai mak responsabiliza, maibé haree ba espasu ne’ebé kloot kompaña sei halo tuir saida mak iha tanba kampu futeból ba jogadór 11 tama ona ba kategória kampu boot hodi oferese ba joven sira bele utiliza prátika desportu.

Konstrusaun ba kampu futeból Leidere ne’e konstrui hosi traballadór timoroan hamutuk na’in-30 to’o kampu ne’e ramata, tanba kampu ne’e ho medida naruk mak metru 90 no luan metru 42.

Notísia relevante:  Konstrusaun kampu futeból Lecidere atinje ona 90%

Jornalista :  Hortencio Sanchez

Editór       :  Florencio Miranda Ximenes

iklan
iklan

Leave a Reply

iklan
error: Content is protected !!