iklan

HEADLINE, SEGURANSA

Kalan la seguru, xefe família 11 evakua hela provizóriu iha edifísiu PNTL

Kalan la seguru, xefe família 11 evakua hela provizóriu iha edifísiu PNTL

Família uma kain 11 iha Audian, suku Caicoli, postu administrativu Vera Cruz, evakua hela provizoriu iha edifísiu Komandu Jerál Polisia Nasionál Timor-Leste (PNTL), Caicoli, Dili. Imajen Tatoli/Natalino Costa.

DILI, 04 setembru 2022 (TATOLI)—Família uma kain 11 iha Audian, suku Caicoli, postu administrativu Vera Cruz, evakua hodi ba hela provizoriu iha edifísiu Komandu Jerál Polisia Nasionál Timor-Leste (PNTL), Caicoli, Dili, tanba iha tempu kalan sira sente la seguru.

Notísia Relevante: Forensik halo autópsia ba mate-isin JB besik finaliza ona

Verdiana da Siva hateten, sira hamutuk familia uma kain 11 ho ema hamtuk 67 mak evakua provzoriu ba hamahon an iha edifisiu  Komandu Jerál Polisia Nasionál Timor-Leste (PNTL), Caicoli, Dili, tanba liga ho joven ne’ebé tara an mate iha sela detensaun PNTL Caicoli foin lalais ne’e.

“Ami mai iha ne’e tanba kalan sente la seguru. Dala ruma ema ataka malu entaun ami ho oan  ki’ik sira no inan-aman, ferik no katuas sira, sente la seguru tanba liga ho joven ne’ebé tara an mate iha sela detensaun PNTL Caicoli foin lalais ne’e. Ami deside evakua mai hela provizóriu iha fatin ne’e,” Verdiana da Siva, hateten ba sira iha Kuartél PNTL, sábadu ne’e.

Hafoin rona ho joven ne’ebe tara an mate iha sela detensaun PNTL Caicoli iha loron hirak liubá, Verdiana ho familia halo serbisu uma laran la seguru hanesan atu tein ruma no serbisu seluk ladi’ak tanba la seguru.

“Dala ruma ami atu tein rona buat balun tarutu no kioske ida iha uma oin ne’e hetan estragu.  Satán kalan ami sente la seguru, tanba ne’e ami deside evakua mai iha ne’e no ami mai ha ne’e, kuaze kalan haat (4) ona,” Verdiana da Siva informa.

Verdiana da Siva nudar mós familia vitima hosi Gaudéncia Filipe da Silva ne’ebé hetan kanek grave to’o agora baixa iha sala Intensive Care Unit (ICU) iha Hospital Nasinal Guido Valadares (HNGV), tanba hetan baku hosi suspeitu JBJS, idade 21, ne’ebé tara an iha sela detensaun, komandu PNTL munisípiu Dili iha loron kinta (01/09), iha tuku 07h00 kalan.

Tuir kronolojia kazu ne’e akontese iha kinta (01/09), tuku 04h00 madrugada, Vitima Gaudéncio ho Suspeitu Matebian JBJS ransu malu hemu tua hamutuk iha festa graduasaun ida iha área Audian, depois sira diskute malu no la simu malu to’o baku malu, suspeitu matebian JBJS baku Vitima Gaudéncio monu ba baleta kuak hodi rezulta kanek garve iha ulun.

Notísia Relevante: Rejeita mate tanba tara-aan, família matebian husu PNTL fó sai rezultadu autópsia

Jornalista : Natalino Costa

Editór      : Cancio Ximenes

iklan
iklan

Leave a Reply

iklan
error: Content is protected !!