iklan

HEADLINE, SAÚDE

Komemora loron 04 setembru lori triteza ba timoroan hotu

Komemora loron 04 setembru lori triteza ba timoroan hotu

Prezidente Komité 12 Novembru, Gregorio Saldanha. Imajen Tatoli/António Daciparu.

DILI, 04 setembru 2022 (TATOLI)—Prezidente Komité 12 Novembru, Gregorio Saldanha, hateten Timor-Leste komemora loron anúnsia rezultadu Konsulta Populár 04 setembru ne’e, lori triteza ba timoroan hotu tanba joven ida mate (deskonfia tara-an) iha sela dentensaun polísia iha loron rua liubá.

Notísia Relevante: Komité 12 Novembru husu PNTL investiga ho profisionál ba kazu mate iha sela polísia

“Ita komemora loron 04 setembru ho triteza tanba ita-nia joven ida mate iha sela detensaun PNTL Caicoli iha loron rua liuba no mate iha polisia nia fatin ka mate iha sela, entaun polísia nia servisu atu proteje ema ne’e mak oinsá mak joven sira mate nafatin,” Prezidente Komité 12 Novembru, Grigorio Saldanha, hateten ba ba Agência Tatoli iha Tower Bar Fatuhada, domingu ne’e.

Nia dehan, timoroan hotu-hotu tenke hamutuk kria pás estabilidade tanba uluk tempu okupasaun Indonézia ukun timoroan hamutuk hodi hasoru inimigu hodi ukun rasik an.

“Ami uluk kastigu iha tempu Indonésia tama sela hasai hotu sintu tanba sira tauk ami oho an maibé agora ida-ne’e fiu metan mós iha sela laran entaun problema boot ba ita. Entaun, ita komemora 04 setembru, ita fó onra ba povu ida-ne’e mak mate la normál,” nia dehan.

Hanoin fali ba kotuk, bainhira 04 setembru atu fó sai rezultadu referendu ne’e, membru militár Indonézia sira ataka timoroan no oho ema barak, entaun hanoin fila-fali memória ba kotuk terus lubuk ne’ebé mak liu ona.

“Tanba ne’e, ha’u husu ba joven sira tenke hamutuk hakribit konflitu, hadomi malu nu’udar timoroan, nune’e dezenvolve rai ida-ne’e ba oin ho di’ak liután,” nia tatoli.

Notísia Relevante: Ekipa konjunta kontinua halo investigasaun ba kazu sidadaun tara-an iha sela

Jornalista : Felicidade Ximenes

Editór       : Cancio Ximenes  

iklan
iklan

Leave a Reply

iklan
error: Content is protected !!