iklan

HEADLINE, SAÚDE

Komite 12 Novembru hala’o primeira asembleia jerál akademia futeból TL

Komite 12 Novembru hala’o primeira asembleia jerál akademia futeból TL

Komite 12 Novembru hala’o primeira asembleia jerál asosiasaun ba akademia futeból Timor-Leste. Imajen Tatoli/Felicidade Ximenes.

DILI, 04 setembru 2022 (TATOLI)—Prezidente Komite 12 Novembru, Gregorio Saldanha, hateten Komite 12 Novembru hala’o primeira asembleia jerál asosiasaun ba akademia futeból Timor-Leste atu prepara joven sira tenke liuhosi futeból.

Asembleia ne’e ho objetivu defende no valoriza kultura futeból Timor-Leste, prodús futebolista ne’ebé profisionál no kualidade iha nivel internasionál no formasaun karáter ba jogadór profisionál exemplár sira.

”Asembleia ne’e atu prepara ita-nia oan sira tenke liuhosi futeból, nune’e sai futuru ne’ebé di’ak no lori Timor-Leste ba mundu,” Prezidente komite 12 Novembru ne’e hateten ba Agência Tatoli iha Tower Bar, Fatuhada, domingu ne’e.

Komite 12 Novembru ho hanoin ida katak tinan 20 ona futeból iha Timor-Leste seidauk di’ak, entaun ho hanoin ida-ne’e oinsá atu di’ak mak tenke prepara oan sira ba akademia futeból Timor-Leste nian.

“Akademia ne’e foku liu ba formasaun profisionál ba futebolista sira mak liuhosi mentalidade, espiritu nomós liuhosi dixiplina, entaun ami harii ida-ne’e liuhosi espíritu nasionalizmu patriotizmu tanba ema halo atividade desportiva tenke iha domin ba nia rai ida-ne’e,” Gregorio Saldanha hateten.

Koordenadór Komisaun Istaladora ba primeira asembleia jerál akademia futeból 12 Novembru, Donques Neves, informa timor oan barak mak iha abilidade kona-ba futeból entaun ho akademia ida-ne’e bele halibur joven sira ba iha área desportu nian.

“Asosiasaun akademia ida-ne’e atu eduka mos ita-nia oan sira iha área desportu nian, aleinde sira hetan kareira profisionál ne’ebé mak brillante tebes, nune’e ita mós sensibiliza informasaun ba inan-aman sira bele aposta sira-nia oan liuhosi akademia futeból Timor-Leste ida-ne’e,” Donques Neves esplika.

Aleinde Komite 12 Novembru realiza asembleia ida-ne’e, tuir loron istoriku 04 Setembru 1999 ne’ebé anunsiu rezultadu konsulta populár ne’ebé rezulta lori Timor-Leste manan ukun rasik an.

Jornalista : Felicidade Ximenes

Editór       : Cancio Ximenes

iklan
iklan

Leave a Reply

iklan
error: Content is protected !!