iklan

HEADLINE, SAÚDE

Agostu, bebé moris iha HNGV na’in-417 no óbitu 11

Agostu, bebé moris iha HNGV na’in-417 no óbitu 11

Bebé foin moris. Ilustrasaun

DILI,07 setembru 2022(TATOLI)— Hospitál Nasionál Guidu Valadares (HNGV), liuhosi Departamentu Maternidade, iha fulan-agostu, rejista bebé ne’ebé moris hamutuk 417, hosi númeru ne’e na’in-11 mak lakon vida.

Hosi totál ne’e, bebé ne’ebé moris ho kondisaun normál na’in-263, bebé ne’ebé moris sesariana 123 no bebé moris ho ventoza na’in-32.

“Iha fulan Agostu sala maternidade Hospitál Nasionál Guido Valadares (HNGV) rejista inan isin rua mai konsulta iha ne’e hamtuk 422, husi numeru inan sira ne’ebé partu hamutuk 417, kompostu hosi bebé moris ho kidan mak uluk 21 no kaduak na’in-10″Xefe Gabinete Kualidade no Komunikasaun Sosiál Hospitál Nasionál Guido Valadares (HNGV), Sara Maria Xavier hateten iha nia kna’ar fatin HNGV-Bidau, kinta ne’e.

Alende ne’e, Inan-isin rua na’in-ida mate inan iha sala maternidade tanba sofre komplikasaun no mós bebé na’in-11 ne’ebé mate ne’e iha inan nia kabun lara.

“Tanba inan sira durante ne’e sofre moras tensaun no infesaun ruma ne’ebé mak la halo tratamentu no mós inan sira ne’ebé mak má nutrisaun raan menus entaun ida ne’e mak kauza bebé mate iha inan-nia kabun laran,” katak nia.

Jornalista : Felicidade Ximenes

Editór            : Florencio Miranda Ximenes  

iklan
iklan

Leave a Reply

iklan
error: Content is protected !!