INSS halo ona pagamentu ba entidade empregadór 596 ho osan $1,610,920,06
DILI, 08 setembru 2022 (TATOLI)—Prezidente Institutu Nasionál Seguransa Sosiál (INSS), Longuinhos Armando Leite, hateten INSS halo ona pagamentu ba entidade empregadór hamutuk 596 ho osan hamutuk $1,610,920,06.
“Totál Entidade Empregadór ne’ebé simu subsídiu hosi Governu hamutuk 596. Osan ne’ebé ita selu ona hamutuk $1,610,920,06,” Prezidente INSS hateten ba Agência TATOLI, iha nia knaar fatin Caicoli, Dili kinta ne’e.
Hosi entidade empregadór 596 ne’e, subsídiu eletrisidade hamutuk 123 ne’ebé selu ona ho osan $90.477.67, dispensa kontributivu hamutuk 192 ne’ebé mak selu ona ho osan hamutuk $195.985.56 no subsídiu renda ba hamutuk 88 no selu ona osan $95.124.05.
Tuir nia, id ahanesan pagamentu ba faze dahuluk ne’ebé INSS hala’o tiha ona no seiseluk ne’e sei halo verifikasaun hafoin selu tan sira.
“Ida-ne’e mak faze dahuluk nian ne’ebé mak ami halo ona pagamentu no seluk ita sei kontinua halo verifikasaun bainhira hotu mak ita selu tan,” nia dehan.
Prezidente INSS ne’e infroma, totál traballadór ne’ebé rejistu iha INSS hamutuk 2.318.
Jornaista : Osória Marques
Editór : Cancio Ximenes
