iklan

INTERNASIONÁL, HEADLINE

Resesaun diplomátiku, Embaixadora TL: “Ita iha obrigasaun promove ita-nia rain”

Resesaun diplomátiku, Embaixadora TL: “Ita iha obrigasaun promove ita-nia rain”

Embaixadora Timor-Leste ba Austrália, Ines de Almeida. Imajen/Espesiál

CANBERRA, 08 setembru 2022 (TATOLI)–Embaixadora Timor-Leste iha Austrália, Inês de Almeida, organiza resesaun diplomátiku iha loron ikus Prezidente Repúblika, José Ramos Horta, hala’o vizita Estadu iha Canberra.

Notísia Relevante: Timor-Leste ho Austrália asina akordu kooperasaun defeza

Resesaun ne’e partisipa hosi korpu diplomátiku hosi nasaun sira-ne’ebé nia embaixada rezide iha Canberra no timoroan sira iha Austrália inklui Grupu solidariedade, amigu Timor-Leste (TL), ne’ebé mak apoiu ona TL nia luta ba libertasaun nasionál.

Embaixadora Inês de Almeida, iha marjen resesaun ne’e, ba jornalista sira hatete embaixadór timoroan hotu iha dever halo serbisu, ko’alia ho embaixadór sira seluk hodi promove TL.

“Ohin kalan, ita haree embaixadór sira, sira kontente. Ita hotu hatene, ita-nia prezidente la’ós foun, ema ida konesidu internasionalmente Embaixadór barak iha ne’e, uluk hamutuk ho nia (prezidente) iha Nova Iorke, iha Jenebra, ne’ebé nia hala’o nia serbisu nu’udar líder rezisténsia ida,” diplomata timoroan ne’e hateten.

Iha biban ne’e, Diplomata Inês de Almeida mós akresenta katak ba futuru diplomata ka joven sira-ne’ebé sei mai atu promove nafatin TL.

“Ita tenke iha obrigasaun promove ita-nia rain, ba rai ne’ebé ita hetan reprezentante,” nia hateten.

Iha resesaun diplomátiku ne’e, Embaixadór Jordania iha Canberra, Ali-M-Kraishan, demostra nia impresaun pozitiva kona-ba TL, iha ámbitu diplomasia.

Entretantu, tuir Misaun diplomátiku, Governu Austrália, Autoridade kapitál nasionál, iha misaun diplomátiku hamutuk 109.

Repúblika Demokrátika Timór-Leste hala’o nafatin nia relasaun babelun espesiál no ho harosan ho nasaun viziñu sira no ho nasaun hirak ne’ebé iha rejiaun laran (Konstituisaun, artigu 8 – relasaun internasionál, alinea 4).

Jornalista : Rafy Belo

Editor      : Cancio Ximenes

iklan
iklan

Leave a Reply

iklan
error: Content is protected !!