iklan

EDUKASAUN, BAUCAU, HEADLINE, MUNISÍPIU

Edukasaun Baucau verifika ona nota estudante sira

Edukasaun Baucau verifika ona nota estudante sira

Diretór Servisu Munisipál Edukasaun Baucau, Augosto Ornai Ximenes. Imajen Tatoli/Natalino Belo.

BAUCAU, 09 setembru 2022 (TATOLI) – Servisu Munisipál Edukasaun Baucau finaliza ona nota periodika inklui levantamentu dadus biografia estudante iha munisípiu Baucau.

Diretór Servisu Munisipál Edukasaun Baucau, Augosto Ornai Ximenes, hateten, totál estudante finalista ensinu báziku nonu-anu no désimu segundu-anu ensinu sekundária jerál no tékniku vokasionál hamutuk 5.949 no daudaun ne’e iha faze preparasaun atu tuir ezame nasional iha fulan-outubru tinan ida-ne’e.

“Liga ho ezame nasionál ita halo ona levantamentu dadus biográfiku ho nota ezame periódiku iha semana kotuk hamutuk 5.949 ne’ebé rejistadu no tuir ona ezame periódu daruak nian ne’ebé tuir kalendáriu sei hahú iha loron-24 fulan outubru, “ Diretor Serbisu Munisipál Edukasaun Baucau ko’alia iha Vila Nova, sesta ne’e.

Hosi totál estudante refere kompostu hosi eskola tÉkniku vokasionál hamutuk na’in-249, ensinu sekundária jerál na’in-245 no ensinu báziku nonu-anu hamutuk 355.

Hosi númeru refere, estudante ne’ebé sei tuir ezame nasionál iha sentru realizadór hamutuk 50 kompostu tekniku vokasionál na’in-haat, ensinu sekundária jerál na’in-16 no ensinu báziku nonu-anu na’in-30.

“Loron ezame ita kontinua la’o-tuir kalendáriu eskolár ne’ebé sei hahú iha loron-24 ot’o 26 no ezame lókal hahú iha lorin 27 to’o 29 fulan-outubru,” Augusto Ximenes akresenta.

Jornalista  : Natalino Belo 

Editór         : Evaristo Soares Martins 

iklan
iklan

Leave a Reply

iklan
error: Content is protected !!