DILI, HEADLINE

PR Horta sei halo enkontru ho líder arte marsiál iha Timor-Leste

PR Horta sei halo enkontru ho líder arte marsiál iha Timor-Leste

Prezidente Repúblika, José Ramos Horta. Imajen Tatoli/Antonio Daciparu.

DILI, 13 setembru 2022 (TATOLI)—Prezidente Repúblika (PR), José Ramos Horta, hateten PR mós hanoin hela no sei kria programa ida hodi bolu no halo enkontru ho líder organizasaun arte marsiál sira iha Timor-Leste.

Notísia Relevante: PN husu grupu arte marsiál kontribui ba estabilidade

Xefe Estadu hato’o mensajen ne’e relasiona ho mosu violénsia ne’ebé envolve pesoál grupu arte marsiál balun ne’ebé akontese iha loron hirak liubá iha kapitál Dili.

“Ita tempu badak, ha’u sei hahú esforsu halo programa ida hodi ko’alia ho sira (organizasaun arte marsiál hotu). Ita labele hanesan tanba insidente balun ne’ebé joven balun mak halo, hotu-hotu hateten no Kritika katak arte marsiál. Ne’e joven balun mak halo, ne’eduni klaru polísia hala’o nia kna’ar maibé ha’u sei buka halo enkontru ho líder grupu arte marsiál sira hodi sai elementu di’ak ba sosiedade,” Prezidente Repúblika hateten ba jornalista sira iha eskola portugeza Dili Ruy Cinatti, Balide, tersa ne’e.

Nune’e, Xefe Estadu ne’e husu atu membru grupu arte marsiál hotu atu kontribui ba estabilidade iha rai-laran hodi hanoin ba futuru, tanba se iha instabilidade no violénsia iha bairru sira-ne’e sei fó impaktu ba sira-nia an no ba sira-nia família.

“Ha’u husu ba sira hanoin ba sira nia futuru rasik, hanoin ba sira-nia inan-aman, hanoin ba kolega joven sira. Tanba, se iha instabilidade no violénsia iha bairru, impaktu boot ba sira-nia kolega no família sira-nian rasik. Nne’ebé, di’akliu soe tiha violénsia buka konsentra ba estuda,” PR Horta hateten.

Notísia Relevante: Governu ofisialmente halo reabertura ezersísiu arte-marsiál tolu iha Timor-Leste

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!