iklan

EDUKASAUN, BAUCAU, HEADLINE, MUNISÍPIU

Profesór kontratadu 400-resin asina kontratu iha Baucau

Profesór kontratadu 400-resin asina kontratu iha Baucau

BAUCAU, 19 setembru 2022 (TATOLI) – Profesór kontratadu pre-eskolár to’o ensinu sekundária inklui tékniku vokasionál na’in-400 resin asina ona kontratu foun iha Baucau.

Diretór Servisu Munisipál Edukasaun Baucau, Augosto Ornai Ximenes, esplika, rejime kareira dosente kompeténsia tomak iha Ministéiru Edukasaun, Juventude no Desportu (MEJD) atu deside estatutu kontratu ba profesór kontratadu hotu inklui sira-ne’ebé hala’o knaar iha Baucau.

“Orientasaun hosi Diresaun Nasionál Rekursu Umanu, ohin ekipa tékniku to’o mai ona atu sira-nia kontratu,” Diretór Edukasaun Baucau hateten iha Vila Nova, segunda ne’e.

Profesór hirak-ne’e sei kontinua kontratu ho durasaun serbisu tinan-ida, hahú fulan-janeiru to’o dezembru tinan-2023 hodi hala’o knaar iha eskola sira-ne’ebé eziste iha munisípiu Baucau.

Ho asina kontratu ne’e, saláriu no vensomentu ba profesór kontratadu sira kontinua normál hodi hein desizaun kona-ba estatatu profesór hosi Ministériu Edukasaun.

Servisu Edukasaun Munisípal rasik laiha kompeténsia atu define estatutu kontratu, nune’e Augosto Ximenes husu profesór sira labele fiar boatu iha mídia sosiál no husu atu akompaña jornal repúblika hafoin desizaun liuhosi reuniaun Konsellu Ministru.

“Desizaun atu muda estatutu ka lae, labele fiar informasaun hosi mídia sosiál maibé akompaña jornál repúblika nu’udar desizaun ofisiál,” Augusto Ximenes akresenta.

MEJD rasik iha fulan-agostu hala’o ona selesaun dokumentu ba profesór voluntária na’in-2.111 iha territoriál nasionál nune’e bainhira remata bele kompleta menus profesór kada eskola iha Baucau.

Jornalista   : Natalino Belo 

Editór          : Evaristo Soares Martins 

iklan
iklan

Leave a Reply

iklan
error: Content is protected !!