iklan

HEADLINE, SAÚDE

Médiku espesialista timoroan nesesáriu aumenta númeru

Médiku espesialista timoroan nesesáriu aumenta númeru

Mediku no doutór espesialista matan halo atendimentu ba pasiente iha klínika matan HoREX, Kinta (11/11). Imajen TATOLI/Natalino Belo.

DILI, 23 setembru 2022 (TATOLI) – Médiku espesialista sira timoroan nian presiza aumenta númeru, atu nune’e bele fó atendimentu ba pasiente sira iha teritóriu nasionál ho di’ak liutan.

“Ita iha médiku espesialista hamutuk 74 ne’ebé maioria servisu ka halo atendimentu ba pasiente sira iha Hospitál Nasionál Guido Valadares (HNGV) no iha hospitál referál sira iha munisípiu no balun apoiu iha servisu sentrál Ministériu Saúde nian”, Xefe Departamentu Jestaun Pesoál Ministériu Saúde, Aida Imaculada Duca, informa ba TATOLI, ohin.

Nia revela katak espesialista hirak ne’e prezisa aumenta tan, atu nune’e hodi fó atendimentu ne’ebé di’ak liu ba populasaun sira iha Timor laran tomak.

Tuir dadus hosi Rekursu Umanu Ministériu Saúde nian katak mediku espesialista 74 ne’e husi espesialista Anestesia na’in haat, dentista na’in rua, dermatolojista na’in tolu, endrokolojia na’in rua, espesialista ba tilun kakorok no ibun na’in rua.

Iha mós espesialista genekoljia na’in tolu, internista na’in lima, intensiva emerjensia na’in lima, kardiolojia na’in hitu, nefrolojia na’in neen no obgyn na’in neen.

Nune’e mós iha Oftamolojista na’in lima,onkolojia na’in rua,ortopedista na’in rua, patolojia anatomi na’in ida, patolojia klinika na’in ida, pediatria na’in haat, psikataria na’in rua, pulmonolojista na’in rua, radiolojista na’in rua, no sirurjiaun na’in neen.

Jornalista : Felicidade Ximenes

Editór : Zezito Silva

 

iklan
iklan

Leave a Reply

iklan
error: Content is protected !!