DILI, 30 setembru 2022 (TATOLI)– Ekipa unidade misaun apoiu resesensiamentu dezloka ona, ohin, ba Guiné-Bissau, ho aviaun Citilink.
“Ita agora booking hela tikete iha Aeroportu Internasionál Nicolau Lobato, tuku 13:00 ita aranka ba Guiné-Bissau hodi halo prosesu resensiamentu eleitorál ba iha ne’ebá”, Xefe Ekipa Unidade Misaun Guiné-Bissau, Acilino Manuel Branco, hateten ba Ajéncia Tatoli, liuhosi via-telefone, sesta ne’e.
Acilino Branco subliña, ekipa ne’e iha ema na’in hitu. Na’in tolu hosi Sekretariadu Tékniku Adminitrasaun Eleitorál (STAE), na’in tolu hosi Ministériu Administrasaun Estatál (MAE) no ida seluk hosi Ministériu Negósiu Estranjeiru no Kooperasaun (MNEK).
Ekipa unidade misaun apoiu ba prosesu resensiamentu iha Guiné-Bisau sei konklui nia misaun iha loron 15 novembru 2022. Osan ba prosesu resensimentu eleitorál iha Guiné-Bissau hamutuk milaun $1.
Jornalista: Osória Marques
Editór : Zezito Silva
