iklan

EDUKASAUN, BOBONARO, HEADLINE, MUNISÍPIU

CJM Bobonaro abertura kursu iha área tolu ba foinsae na’in-142

CJM Bobonaro abertura kursu iha área tolu ba foinsae na’in-142

Hafoin abertura formasaun kursu língua Inglés, Korea no komputadór, partisipante sira hasai foto hamutuk ho Jerente Sentru Juventúde Munisípiu Bobonaro ho Representante Autoridade Munisípiu Bobonaro. Imajen espesiál.

BOBONARO, 03 outubru 2022 (TATOLI) – Sentru Juventude Munisípiu (CJM) Bobonaro, lideradu hosi Alcino da Barreto, segunda ne’e hala’o abertura kursu iha área tolu ba joven foinsa’e hamutuk na’in-142 ho objetvu atu kapasita no eleva sira-nia koñesimentu liuhosi edukasaun naun formál.

Notísia relevante: SEJD destaka ema na’in-10 atu identifika joven nia kreatividade iha Bobonaro

“Totál partisipante iha kursu tolu ne’ebé ohin ita abertura hamutuk 142 pesoas, hosi lian koreia nian mane hotu hamutuk 67, lian ingles hamutuk 36, ba feto 24 no mane 12 no kursu partisipante na’in-33,” Diretór Alcino Barreto, ko’alia iha Holsa, Maliana.

Enkuantu iha ámbitu ne’e mós entrega sertifikadu ingles báziku ba partisipante na’in-17 ne’ebé kompleta ona kursu iha fulan kotuk

Alcino reforsa, formasaun ne’e fó oportunidade ba joven sira-ne’ebé sei kontinua estudu iha nível sekundáriu no joven sira-ne’ebé remata eskola la kontinua estudu iha nível universitáriu oinsá atu prepara sira-nia abilidade ba moris nune’e ba futuru bele kompete iha merkadu traballu.

Alcino hatutan, programa ne’e mós konsege iha nia rezultadu pozitivu tanba tuir imformasaun foin lalais ne’e iha partisipante kursu língua koreia nian hamutuk na’in-ualu mak pasa iha ezame, hein de’it teste saúde tuir mai hodi prepara-aan atu ba serbisu iha nasaun Korea Súl.

“Sira-ne’ebé ohin abertura kursu, ita iha aula ba dadeer  no lokraik, balu ne’ebé mak iha aula dadeer presiza tuir iha lokraik nia no sira-ne’ebé aula lokraik sei tuir iha parte dadeer nian, ne’ebé ha’u husu ba ita-boot sira-ne’ebé hakarak tuir, tenke partisipa ho vontade atu nune’e bele susesu,” nia apela.

Diretóra apoiu sosiedade sivíl munisípiu Bobonaro, Gizela Pires, enkoraja partisipante sira atu kontinua aprende ho vontade tanba estadu no polítika governu nia sei la husik ema ida iha kotuk, tanba ema mak sai sentru ba dezenvolvimentu.

Ezemplu konkreta maka Prezidente Repúblika, José Manuel Ramos Horta, hili Gaspar Afonso, ema Bobonaro oan ida ne’ebé ho kondisaun defisiénsia matan ida sai asesór iha prezidénsia repúblika.

Entretantu durante ne’e sentru juventude munisípiu Bobonaro mós ezerse ninia iha papél hodi fó oportunidade ba joven sira iha postu administrativu sira inklui suku, atu partisipa iha formasaun edukasaun sívika hanesan, relasaun saudávell, internet saudável, Life Style Bazic (LSB) ka abilidade ba moris oinsá aumenta joven sira-nia mentalidade atubele kontribui no partisipa iha prosesu dezenvolvimentu.

Notísia relevante: SJMB identifika grupu haat seidauk ezekuta orsamentu ba atividade

Jornalista: Sérgio da Cruz

Editór: Evaristo Soares Martins

iklan
iklan

Leave a Reply

iklan
error: Content is protected !!