iklan

EDUKASAUN, BOBONARO, HEADLINE, MUNISÍPIU

MESSK husu graduadu baixarelatu uza métodu hanorin motiva estudante aprende

MESSK husu graduadu baixarelatu uza métodu hanorin motiva estudante aprende

Ministru Ensinu Superiór, Siénsia no Kultura, Longuinhos dos Santos. Imajen Tatoli/Sérgio da Cruz.

BOBONARO, 03 setembru 2022 (TATOLI) – Ministru Ensisnu Superiór, Siénsia no Kultura (MESSK), Longinhos dos Santos, husu ba profesór sira-ne’ebé finaliza ona kursu baxarelatu hosi Universidadae Nasionál Timor Lorosa’e (UNTL), atu uza métodu hanorin ne’ebé di’ak nune’e bele motiva estudante sira aprende.

Ministru Longuinhos hato’o asuntu ne’e iha ámbitu serimónia graduasaun ba profesór krusu baixarealatu na’in-428 hosi Fakuldade Edukasaun, Arte no Umanidade ne’ebé realiza iha Jináziu, Maliana, segunda ne’e.

Notísia relevante: UNTL prodús tán baixarelatu 428 iha Bobonaro

Tuir nia, mundu ne’e  iha transformasaun boot no futuru ba país sira hotu sei sai la hanesan ho situasaun atuál, nune’e oras ne’e nasaun barak maka presiza perfil kompeténsia nian ba profisaun dosente.

Maibé, agora daudaun ne’e, iha nasaun barak hili opsaun katak atu sai profesór tenke iha formasaun espesializada iha nível universitáriu no pós-graduasaun nian.

“Bainhira ita hahú forma profesór sira ho nível superiór ita aliña Timor-Leste ho tendénsia internasionál foun sira. Ne’e di’ak. Tanba nasaun ne’e ezije atu profesór sira bele hetan oportunidade no konteúdu ne’ebé hato’o ba alunu sira no uza métodu hanorin nian ne’ebé fó motivasaun ba estudante sira atu aprende,” governante ne’e enkoraja.

Nia husu ba graduadu katak nu’udar profisionál hodi adapta estratéjia pedagójika ne’ebé aprende iha fakuldade edukasaun hatán ba realidade alunu sira-nian iha imi-nia munisípiu.

“Ne’ebé profesór sira sempre sai ajente transformasaun pozitiva, tulun komunidade atu komprende di’ak liután valór edukasaun nian ba futuru sira-nia labarik sira nian,” nia afirma.

Ministru Longuinhos hato’o parabéns ba UNTL no INFORDEPE tanba investimentu ida-ne’e iha formasaun inisiál no kontinua ba profesór sira, hodi tulun atu kualifika profesór sira-ne’ebé iha ona esperiénsia ensinu nian.

Jornalista: Sérgio da Cruz

Editór: Evaristo Soares Martins

iklan
iklan

Leave a Reply

iklan
error: Content is protected !!