iklan

INTERNASIONÁL, DILI, HEADLINE

Vise MNEK husu ba sidadaun “lalika fi’ar” ajénsia hodi bá rai li’ur

Vise MNEK husu ba sidadaun “lalika fi’ar” ajénsia hodi bá rai li’ur

Vice Ministru MNEC, Juliao da Silva. Imajen TATOLI/Egas Cristóvão

DILI, 12 outubru 2022 (TATOLI)– Vise Ministru Negosiu Estranjeiru no Kooperasaun (VMNEK), Julião da Silva husu ba sidadaun atu labele monu ba lasu ilegál hosi ajénsia sira ne’ebé atu lori timoroan sira bá servisu iha diáspora.

“Sidadaun sira tenke kuidadu aan nafatin, lalika ba fiar ajénsia sira ne’ebé lor ilia falsu atu timoroan sira bá servisu iha rai li’ur.  Tanba ita iha akordu ho nasaun rua de’it mak Austrália no Koreia Súl, restu ne’e laiha lalika ba fi’ar,” dehan Vise Ministru ne’e iha Palasiu Prezidensial Dili, kuarta ne’e.

Notísia relevante:  Horta ho Taur preokupa timoroan terus iha Portugál

Vise Ministru mós afirma nia parte rona ona informasaun katak ajénsia balun atu rekruta tan timorona ba servisu iha Polandia.

“Polandia susar atu fó servisu ba ema hosi nasaun seluk, ho nune’e nia husu ba ajéncia sira iha Timor-Leste atu labele lohi timoroan sira bá no sai vitima tan hanesan iha Portugál tanba ikus mai Governu mak ulun moras,” nia apela.

Tanba tuir nia, ajénsia sira rekruta timoroan sira ne’e hanesan meiu ida hodi buka de’it osan, maibé sira la preokupa bainhira timoroan sira hetan difikuldade iha rai li’ur.

Akordu atu haruka traballadór ba servisu iha nasaun sira iha Europa hanesan Portugál, Inglaterra no seluk tan sei iha prosesu nia laran, nune’e husu ba timoroan hotu atu hein ho pasiénsia.

Notísia relevante:  TL-Portugál esforsu hela atu haruka timoroan ba serbisu iha Europa

Jornalista: Hortencio Sanchez

Editór       : Florencio Miranda Ximenes

iklan
iklan

Leave a Reply

iklan
error: Content is protected !!