Arsénio Bano sei hala’o enkontru espesiál ho empreza Wartsila iha Jakarta
OÉ-CUSSE, 26 outubru 2022 (TATOLI) – Presidente Autoridade Rejiaun Administrativa Espesiál Oé-Cusse Ambeno (RAEOA), Arsénio Paixão Bano, sei hala’o enkontru espesiál ho empreza internasionál PT.Wartsila iha Jakarta, Indonézia.
Dezlokasaun Autoridade RAEOA nian to’o iha loron-kuarta, iha aeroportu internasionál Sukarno Hatta, Jakarta ho aviaun Batik-Air, maizumenus tuku 11:00 hamutuk ho eletrisista sira hosi Departamentu Eletrisidade Timor-Leste (EDTL) hosi Sentrál power-plant Inur Sakato atu tuir formasaun no prátika kona-bá tékniku operasaun no liña distribuisaun iha empreza internasionál PT.Wartsila no PT. PLN Pusdiklat Bogor Indenézia.
Hafoin to’o aeroportu internasionál Sukarno Hatta ho aviaun Batik-Air, simu direita delegasaun ne’e hosi ekipa Embaxada Timor-Leste nian ba Indonézia hamutuk ho responsável sira hosi empreza internasionál PT.Wartsila no PT.PLN Pusdiklat Bogor nian.
“Ami foin to’o Jakarta iha tuku 11:00 dadersan ne’e, ne’ebé ba abertura formasaun nian ba tékniku sira hosi EDTL Oé-Cusse aban, kinta 27 novembru, depois ha’u sei enkontru espesiál ho empreza PT.Wartsila kona-bá futuru bainhira kontratu remata, tanba daudaun ne’e empreza PT Wartsila mak ezekuta sentrál power-plant Inur Sakato,” Prezidente Autoridade RAEOA, Arsénio Paixão Bano, informa ba Agência Tatoli liuhosi whatshapp hosi Jakarta, Indonézia.
Responsabél ekipa tékniku no Planeimanetu EDTL Oé-Cusse, José Alexandre Bana, hatete, formasaun ba tékniku sira realiza iha fatin rua, no abertura direitamentu hosi Prezidente Autoridade RAEOA, no Prezidente empreza internasionál PT.Wartsila no PT. PLN Pusdisklat Bogor iha sentru formasaun PT. Wartsila.
“Ami to’o Jakarta simu ami hosi responsável sira hosi empreza internasionál Wartsila hamutuk ho delegesaun embaxadór Timor-Leste iha Indonézia, ne’ebé ami mai ho ekipa tékniku sira hosi power-plat na’in-10 no tékniku liña distribuisaun, sei hahú formasaun aban, kinta, 27 novembru, sei abertura direita hodi Prezidente Autoridade RAEOA hamutuk Prezidente empreza PT.Wartsila no PT.PLN,” José Alexandre Bana hateten.
Tuir nia, fatin formasaun ekipa dahuluk ba tékniku power-plant sei realiza iha sentru formasaun PT. Wartsila no tékniku distribuisaun sei realiza iha PT.PLN Pusdisklat Bogor. No ekipa daruak nian hamutuk na’in-ualu komposta hosi tékniku power-plan no distribuisaun.
Nótísia relevante: Arsénio Bano lidera eletrisista 23 ba tuir formasaun iha Jakarta
Jornalista : Abílio Elo Nini
Editór. : Evaristo Soares Martins
