iklan

HEADLINE, SAÚDE

HNGV hakarak investe iha radioterapia hodi redús pasiente bá estranjeiru

HNGV hakarak investe iha radioterapia hodi redús pasiente bá estranjeiru

Xefi Departamentu Radiológia-HNGV, Alberto dos Santos. Imajen Tatoli/Francisco Sony

DILI, 08 novembru 2022 (TATOLI)— Diretór Ezekutivu Hospitál Nasionál Guido Valadares (HNGV), Alito Soares, dehan  presiza   hala’o investimentu makas iha servisu radioterapia atubele redús  transferénsia  moras  ba rai-li’ur.

Diretór Ezekutivu ne’e hato’o asuntu ne’e iha ámbitu selebrasaun Loron Mundiál Radiolojia  ba-dala 127 , ne’ebé ho tema  “Promove  no Divulga  informasaun  kona-ba papél  radiolojia iha Timor-Leste”.

“Atu mellora servisu diagnóstika hodi halo tratamentu iha radiolojia  liuliu ba moras  krónika sira, atu nune’e bele redus pasiente sira bá rai li’ur hanesan  Indonésia, Malázia no Singapura tanba gastu maka’as. Nune’e ita presiza  investe iha rai laran fazeadamente liu husi planu HNGV  no mellora kualidade atendimentu  radiolojia nian”, dehan nia iha Bidau-Dili, tersa ne’e.

Tuir responsavél ne’e, presiza apoia diagnóstiku hodi hadi’a kualidade ba asisténsia médiku liuliu iha  departamentu radiolojia nian.

“Ekipa saúde sira halo tratamentu ba pasiente ne’ebé ho problema saúde krónika sira  utiliza ekipamentu  Ct-scan para detekta sira nia moras,” Nia esplika.

Iha fatin hanesan , Xefe Departamentu  Servisu Radioterapia HNGV, Alberto dos  Santos informa, atividade halo diagnóstika ida ne’e hahú iha loron 5 no 6 fulan novembru hodi halo restreiu  ba ema 460, iha ambitu selebrasaun  Loron Mundiál Radiolojia.

“Loron rua nia laran ne’e konsege deteta pasiente sira ne’ebé  infesaun urinaria no  hepatomegalia. Nune’e halo mós raiu-x ba ema hamutuk 250, ne’ebé iha na’in rua mka sofre moras tubekoluze,” katak

Jornalista : Felicidade Ximenes

Editór         : Florencio Miranda Ximenes

iklan
iklan

Leave a Reply

iklan
error: Content is protected !!