iklan

EKONOMIA, HEADLINE, MUNISÍPIU, OÉ-CUSSE (RAEOA), POLÍTIKA

Xefe suku 18 hosi RAEOA hala’o estudu komparativu iha TTU-TTS

Xefe suku 18 hosi RAEOA hala’o estudu komparativu iha TTU-TTS

PA RAEOA depede ho autoridade komunitáriu estudu komparativu iha TTU-TTS. Imajen Tatoli/ Abílio Elo Nini.

OÉ-CUSSE, 09 novembru 2022 (TATOLI) – Prezidente Autoridade Rejiaun Administrativa Espesiál Oé-Cusse (RAEOA), Arsénio Paixão Bano, kuarta ne’e despede xefe suku 18 no suku preparativu na’in-rua hamutuk ho jestór sub-rejiaun na’in-haat, Oésilo Pássabe, Nítibe no Pante Makasar dezloka ba Indonézia hala’o estudu komparativu durante loron tolu iha distritu Timur Tengah Utara (TTU) no distritu Timur Tengah Selatan (TTS).

Kalendáriu ba estudu komparativu ne’e, sei hahú iha loron kinta, 10 novembru to’o sábadu 12 novembru 2022, no ekipa delegasaun ne’e hamutuk ema na’in-44 ne’ebé lidera direira hosi Adjuntu Prezidente Autoridade ba Asuntu Sosiál, Maximiano Neno.

Nune’e Sekretáriu Rejionál ba Asuntu Administrasaun, Martinho Abani Elu, akompaña mós hosi Koordenadora Unidade Ordenamentu Territóriu, Sonia Mariana Daos nu’udar responsável másimu ba Programa Suku Amasat no mós ekipa avaliasaun Programa Promosaun Suku Amasat (PPSA).

Ekipa delagasaun ne’e fahe ba ekipa rua, ekipa dahuluk xefia hosi Adjuntu Prezidente Autoridade ba Asuntu Sosiál RAEOA, Maximiano Neno, lidera ema na’in-22 halo estudu komparativu iha distritu TTU, ekipa daruak xefia hosi Sekretáriu Rejionál ba Asuntu Administrasaun, Martinho Abani Elu, lidera ema na’in-22 halo estudu komparativu iha distritu TTS.

Prezidente Autoridade RAEOA, Arsénio Paixão Bano, informa, objetivu hosi estudu komparativu ne’e atu hasa’e koñesimentu ba autoridade komunitáriu sira hodi haforsa implementasaun ‘Programa Promosaun Suku Amasat’ iha Oé-Cusse.

Tanba programa ne’e hanesan polítika ida hosi autoridade RAEOA atu promove komunidade iha suku 18 ho aldeia 63, atu partisipa direta iha serbisu nível suku ho kreativu, inovativu, independente, inkluzivu no sustentável.

Nune’e mós programa ne’e atu hatene partisipasaun konsellu suku no komunidade iha suku ba dezenvolvimentuno progresu kualidade moris nian, iha setór saúde, edukasaun, sosiál, kultura, turizmu komunitária seguransa no orden públika.

“Objetivu hosi estudu komparativu ne’e tama iha promosaun suku Amasat, bainhira sira fila mai bele implementa iha Oé-Cusse, saida mak sira aprende iha durante estudu komparativu ne’e,” Arsénio Paixão Bano informa ba joranlista sira hafoin enkontru ho xefe suku sira iha Gabinete ZEESM, Oé-Cusse.

Nia fundamenta, tinan ne’e RAEOA hahú programa ne’e alvu ba xefe suku no jestór sira, autoridade nia hakarak sira ba haree, organizasaun iha rai viziñu oinsá, tanba saida mak iha auto-sufisiénsia iha iha ambiente saúde inklui modo no produtu lokál tama barak liu hosi fronteira.

“Entaun ita espera ho prezensa autoridade komunitáriu sira bele aproveita aprende hosi rai seluk, haree hosi organizasaun servisu suku ne’e oinsá, fila-fali mai lori koñesimentu sira-ne’e para ita bele hala’o programa suku Amasat ne’e atu dezenvolve suku iha setór infraestrura, saúde, edukasaun, agrikultura no seluk, bele sai di’akliu kompara ho antes nian,” nia afirma.

Tanba Timor-Leste espesialmente rejiaun espesiál Oé-Cusse labele hein, populasaun iha suku labele hein, autoridade halo serbisu barak ba asuntu bee-moos, oportunidade ne’e mós bele haree organizasaun ba konservasaun bee-moos nian oinsai, entaun RAEOA dezloka xeef suku ho jestór sira ba atu aprende saida de’it mak dezenvolve ona iha rai viziñu.

“Ita la’ós seidauk bele, ita bele maibé presiza aumenta hodi kompleta tanba Oé-Cusse rejiaun espesiál, rekursu umanu importante atu hetan kapasitasaun beibeik formasaun, no estudu komparativu atu hasa’e koñesimentu, nune’e lori Oé-Cusse ba oin,” nia katak.

Notísia relevante: Autoridade RAEOA selebra akordu ho xefe suku 18 implementa ‘Programa Suku Amasat’ 

Jornalista           :  Abílio Elo Nini
Editór                   :  Evaristo Soares Marrins

iklan
iklan

Leave a Reply

iklan
error: Content is protected !!