iklan

HEADLINE, SAÚDE

MKAE ho MS deskute preparasaun adezaun TL ba OMK

MKAE ho MS deskute preparasaun adezaun TL ba OMK

Vise-Ministru Saúde, Bonifácio Maucoli dos Reis. Imajen Tatoli/Francisco Sony

DILI,11 novembru 2022 (TATOLI)— Ekipa Traballu Adezaun Timor-Leste ba Organizasaun Mundial Komérsiu (OMC,sigla Portugés), ne’ebé tutela ba Ministériu Koordenadór Asuntu Ekonómiku (MKAE) no ekipa Ministériu Saúde diskute kona- ba preparasaun iha setór saúde hodi adere ba organizasaun ne’e.

Vise Ministru Saúde, Bonifacio Maucoli dos Reis, informa importante liu atu investe iha rekursu umanu liuliu siénsia saúde hodi kontribui Timor-Leste adere ba OMK.

“Ita presiza mós investe iha ekipamentu médiku sira ho kualidade hodi bele halo diagnóstiku no reabilitasaun ba moras sira.  Ita presiza ai-moruk no produtu farmaséutiku ne’ebé seguru ho kualidade hodi prevene, trata no kura moras. Ita presiza teknolójia informasaun no komunikasaun (ICT) hodi fasilita analiza informasaun ne’ebé loos, no rapidu relasiona ho ema morasiha  situasaun epidemolojika,no estatístika saúde ita nia nasaun”,  Vise Minsitru Saúde Bonifacio Maucoli dos Reis, hateten bainhira hala’o, diskursu iha enkontru grupo Servisu Adezaun Timor-Leste  ba OMK, iha salaun Palásiu Sinzas,Caicoli-Dili, sesta ne’e.

Iha fatin hanesan, Diretór Gabinete Lisensiamentu  Rejistu Atividade  Saúde, Carlito Correia Freitas, dehan diskusaun ne’e hodi haree ba kontribuisaun Ministériu Saúde  atu Timor-Leste adere ba OMK.

”Ohin ekipa mai konsulta ho Ministériu Saúde kona-ba kontribuisaun sira área saúde nian hodi kontribui ba prosesa adezaun Timor-Leste ba Organizasaun  Mundiál Komérsiu ne’e”, dehan Carlito Correia Freitas.

Atu adere, MS tenke dezenvolve infraestrutura báziku, servisu terapia, diagnóstika no laboratóriu.

“Presiza mellora servisu saúde kuandu adere ba organizasaun no mós tenki iha portidaun signifika ita prontu responde karik investidór  sira hetan moras ka problema saúde  ita iha ona kondisaun atu halo atendimentu ba sira”, katak.

Timor Leste nia prosesu preparasaun ba adezaun OMK iha progressu di’ak ho nasaun sira seluk tanba ne’e setór saúde prontu atu kontribui ba Timor-Leste nia adezaun.

Tuir kalendáriu, Timor Leste sei adere ba Organizasaun Mundiál Komérsiu ne’e iha tinan oin.

Jornalista : Felicidade Ximenes

Editór      : Florencio Miranda Ximenes

iklan
iklan

Leave a Reply

iklan
error: Content is protected !!