iklan

EKONOMIA, INTERNASIONÁL, HEADLINE, OÉ-CUSSE (RAEOA), POLÍTIKA

Autoridade TTU prioritiza ajenda tolu iha futuru implementasaun free zona trade

Autoridade TTU prioritiza ajenda tolu iha futuru implementasaun free zona trade

Adjuntu Administradór TTU, Eusabius Binsasi. Imajen Tatoli/Abílio Elo Nini.

KEFAMENANU, 13 novembru 2022 (TATOLI) – Autoridade Timor Tengah Utara (TTU), provínsia Nusa tenggara Timur, Repúblika Indonézia, prioritiza ajenda tolu iha futuru implementasaun free zona trade.

Adjuntu Administradór TTU, Eusabius Binsasi, esplika parte Indonézia nian preparasaun la’o avansu tebes, tanba ne’e sei lori mudansa ba povu nia moris entre rai rua iha liña fronteira tantu Indonésia espesiál ba distritu TTU no Timor-Leste espesiál ba RAEOA.

Autoridade ne’e informa, kona-bá preparasaun, TTU prepara ona ajenda tolu, primeiru prepara hadi’a kondisaun iha distritu tantu Governu no populasaun, nune’e bainhira tama ba faze implementasaun preparadu atu simu.

Preparasaun daruak, rekursu umanu, liuliu ba tékniku mós prepara ona hanesan traballadór atu diskute kona-bá asuntu ne’e, preparasaun datoluk, TTU prepara ona rekursu naturál, no mós enkoraja ona komunidade iha sub-rejiaun sira atu kontinua serbisu, liuliu preparasaun ba produtu lokál sira hanesan soin iha TTU nian.

“Ha’u esperu Governu Indonézia ho Governu Timor-Leste, liuliu TTU no RAEOA ita tenke serbisu hamutuk kontinua prepara populasaun sira, nune’e to’o faze implementasaun entaun ita tenki preparadu, tanba liuhosi free zona trade entaun reseita ba kofre Estadu mós sei aumenta di’akliu tan,” nia afirma.

Adjuntu Prezidente Autoridade RAEOA, Maximiano Neno, informa, preparasaun iha Timor-Leste, liuliu Oé-Cusse, foin daudaun ne’e Primeiru Ministru Taur Mata Ruak, nomeia ona Prezidente Autoridade RAEOA, Arsénio Paixão Bano, atu lidera hodi prepara deskuti kona-bá implementasaun free zona trade iha liña fronteira.

Preparasaun ne’e RAEOA halo ona, hafoin primeiru Oé-Cusse hahú prepara infraestrutura sira, tinan ne’e hahú projetu boot rua, estrada nasionál hosi sub-rejiaun Pante Makasar liga sub-rejiaun Nítibe asesu ba fronteira Citrana Oépoli pakote I ho distánsia kilómetru 16.

Nune’e mós estrada nasionál hosi sub-rejiaun Pante Makasar liga ba sub-rejiau Oésilo asesu ba fronteira Napan, pakote I ho distánsia 18.

“Tán ne’e preparasaun kontinua la’o hanesan daudaun ne’e mobiliza xefe suku sira atu hasa’e koñesimentu iha TTU nune’e aumenta referénsia, nu’udar preparasaun atu hasoru implementasaun free zona trade iha liña fronteira entre TTU ho RAEOA,” nia firma.

Notísia relevante: Delegasaun RAEOA vizita Biboki Súl diskute konservasaun meiu ambiente no turizmu kulturál

Jornalista: Abílio Elo Nini
Editór: Evaristo Soares Martins

iklan
iklan

Leave a Reply

iklan
error: Content is protected !!