BAUCAU, 21 novembru 2022 (TATOLI) – Admistrasaun postu administrativu Vamasse, munisúipiu Baucau, finaliza ona atividade 64 hosi Programa Mão de Obra Postu Admistrativu (PMOPA).
Administradór postu administrativu Vemasse, Pedro Freitas, esplika, hosi totál atividade fahe ba 32 liuhosi faze daruak ne’ebé finaliza ona no hein submete relatóriu ba administrasaun munisipál hodi hetan pagamentu.
“Programa ne’e importante tanba povu kontente no husu atu kada tinan governu kontinua no hasa’e orsamentu,” Administradór postu Vemasse hateten iha Vila Nova, segunda ne’e.
Hosi totál orsamentu ne’ebé prevee ba postu Vemasse kada faze fahe 50% ho valór orsamentu $6.500-resin hosi tótal orsamentu hamutuk $ 137.33 ne’ebé implementa iha atividade hanesan hamoos dalan-ninin, hamoos valeta no kuda ai-oan.
“Implementasaun atividade hotu ona, ami-nia orsamentu mak seidauk foti tanba hein relatóriu,” Pedro Freitas akresenta.
Atividade refere hala’o iha suku hitu no aldeia 22 hanesan faze dahuluk implementa iha suku tolu hanesan Vemasse Tasi, Caicua no Osso-Uala. Faze daruak iha suku haat hanesan Ostiku, Uaegae, Loilubu no Uatulari ne’ebé envolve traballador hamutuk rihun-ida resin.
Jornalista : Natalino Belo
Editór : Evaristo Soares Martins
