Kazu Constâncio Pinto, MP sei arrola tán deklarasaun balun hosi arguidu

DILI, 23 novembru 2022 (TATOLI)— Tribunál Distritál Dili (TDD) kuarta ne’e, halo julgamentu kontinuasaun ba kazu partisipasaun ekonómia iha negosiu ne’ebé envolve hosi arguidu Eis Ministru Komersiu Industria no Ambiente (MCIA) Constâncio Pinto, arguidu Eis Diretór Jerál Ministru MCIA, António da Costa no José Deolino Ximenes nudar nain ba kompañia Star Product Unipessoal Lda.
Iha sala julgamentu Prokuradora Lidia Soares husu ba Tribunál koletivu atu fó tempu ba Ministeriu Públiku hodi prepara pergunta balun, atu nune’e julgamentu tuir mai MP bele konfirma tan buat balun ba arguidu Constáncio Pinto hodi arrola tán arguidu nia deklarasaun.
Notisia relevante : Constancio Pinto sai arguidu ba kazu partisipasaun ekonómika
Razaun MP husu Tribunál atu arrola tán aguidu nia deklarasaun, tanba atu konfirma kestaun balun tan hosi arguidu Constáncio Pinto.
Tanba iha julgamentu antes ne’e arguidu deklara buat balun ne’ebé MP konsidera pertinente, tanba ne’e presiza arolla tán arguidu nia deklarasaun.
Ho nune’e, iha julgamentu Prokuradora Lidia Soares, husu Tribunál atu fó tempu ba Ministeriu Públiku atu prepra no elabora perguntas sira, nune’e bele aprezenta iha prosesu julgamentu tuir mai.
Notisia relevante : Kazu partisipasaun ekonómika-negósiu,Constancio Pinto rekoñese aprova proposta hosi empreza Star Product
Audensia julgamentu ne’e preside hosi Juiz kolletivu Alvaro Maria, José Guterres, Argentino Nunes, MP reprezenta hosi Prokuradora Lidia Soares no arguidu sira hetan asistensia legál hosi Defensór Públiku no Advogadu Privadu.
Jornalista: Natalino Costa
Editora : Armandina Moniz

