iklan

HEADLINE, SAÚDE

Sentru Saúde Munisípiu Aileu rejista kazu dengue haat

Sentru Saúde Munisípiu Aileu rejista kazu dengue haat

Mapa munisípio Aileu. Infografia/Octávio de J.Guterres

DILI,05 dezembru 2022 (TATOLI)— Diretór Servisu Saúde Munisípiu Aileu, Manuel de Jesus, informa konsege rejista kazu dengue haat iha fulan-outubru.

“Hosi janeiru  to’o setembru,  ita rejista kazu dengue hamutuk 80 no mai iha fulan outubru ita rejista kazu haat liuliu ba labarik sira, maibé hosi númeru ne’e labarik sira rekupera hotu laiha ida mak mate”, Diretór Servisu Saúde Munisípiu Aileu, Manuel de Jesus, informa ba TATOLI via telephone, segunda ne’e.

Iha novembru no dezembru, nia dehan seidauk iha kazu foun, nune’e Ministériu Saúde, autoridade lokál no polísia sira atu hala’o limpeza jerál iha fatin públiku hodi prevene moras dengue.

Kona-ba ai-moruk abate no fumigasaun munisípiu Aileu sufisiente hela bainhira kazu iha ekipa sira tuun hala’o intervensaun kedas.

Estoke ai-moruk sufisiente

Entertantu, Diretór ne’e informa armazein iha munisípiu Aileu ai-moruk sufisiente hodi halo atendimentu ba populasaun sira.

“Daudaun ita nia ai-moruk estoke sufisiente hela hodi atende ba populasaun Aileu, tanba foin seman rua liu ba SAMES halo ona distribuisaun mai”, nia afirma.

Ai-moruk iha munsípiu hanesan tipu paracetamol, Amoxilin, cotrimoxazole, no tipu sira seluk ne’ebé mak fasilidade saúde sira uza durante ne’e.

“Ai-moruk ne’ebé mak iha ona ne’e oinsá bele halo jestaun di’ak atubele distribui tutan ba fasilidade saúde sira iha Aileu tuir nesesidade ne’ebé mak iha”, nia afirma.

Durante ne’e, ai-moruk ba ema ho moras mental carbamazepine, maibé SAMES distribui ona entaun sira halo ona tratamentu ba ema ho moras mentál.

Jornalista : Felicidade Ximenes

Editór       : Florencio Miranda Ximenes

iklan
iklan

Leave a Reply

iklan
error: Content is protected !!