iklan

HEADLINE, SAÚDE

MS sei konstrui postu saúde no rezidénsia ba médika iha munisípiu lima

MS sei konstrui postu saúde no rezidénsia ba médika iha munisípiu lima

Foto facebook

DILI, 09 janeiru 2023 (TATOLI) Polítika Ministériu Saúde sei kontrui postu saúde no rezidénsia médiku lima, iha munisípiu lima, hanesan  Ainaro, Atauro,  Baucau, Bobonaro no  Manatuto.

Diretora Administrasaun Lojístika no Jestaun Patrimóniu, iha Ministériu Saúde, Emilia mendonça, hateten Governu aloka ona orsamentu milaun $2,5 atu halo konstrusaun.

“Asuntu sira ne’e, ami muda estratejia política hodi halo kontrusaun postu saúde, hahú husi 2021 mai,  ita halo kontrusaun postu saúde pakote kedas ho rezidénsia ba médiku, ida ne’e ho objetivu katak banhira postu saúde ida hotu, ita koloka kedas profisionál saúde para halo atendimentu ne’ebé di´ak ba ita nia komunidade sira”, Emilia mendonça,  dehan ba TATOLI iha nia fatin, Caicoli, ohin.

Nia rekorda iha 2022 MS kontrui hotu ona postu saúde no rezidénsia médiku hamutuk hitu,  ne’ebé koloka iha Munisípiu Baucau, Aileu, Lautem, Ermera, Bobonaro, Covalima, no Viqueque.

“Governu aloka milaun $2,6 halo konstrusaun postu saúde no profisionál saúde inklui sentru pediatria, sirurjia ba feto no mane iha ospitál referál Maliana”, katak.

iha 2021-2022 MS estabelese 87%  ba projetu kuarentena, mini laboratóriu, mini ICU hodi halo atendimentu no responde ba Covid-19, no mós ba surtu sira ne’ebé akontese tuir mai, ne’ebé ho orsamentu mai husi fundu Covid-19 hamutuk milaun $10,4.

Jornalista : Felicidade Ximenes

Editór : Zezito Silva

 

iklan
iklan

Leave a Reply

iklan
error: Content is protected !!