EKONOMIA, BAUCAU, HEADLINE, MUNISÍPIU

Autoridade Baucau realiza reuniaun konsellu konsultivu extraordináriu

Autoridade Baucau realiza reuniaun konsellu konsultivu extraordináriu

Autoridade Administrasaun Munisipál Baucau realiza reuniaun konsellu konsultivu munisipál extraordináriu iha salaun apuramentu Vila Nova, tersa (17/01). Imajen: Agência TATOLI/Natalino Belo.

BAUCAU, 17 janeiru 2023 (TATOLI) – Autoridade Administrasaun Munisipál Baucau, tersa ne’e realiza reuniaun konsellu konsultivu hodi fó paresér hosi membru asemblea munisipál kona-ba progresu no dezáfiu tinan 2022 nian.

Prezidente Autoridade Munisipál Baucau, Olivio ‘Bou-Lesa’ Freitas, esplika, reuniaun extraordinariu ne’e tanba loloos realiza iha fulan-dezembru 2022 maibé tanba hasoru atividade barak nune’e adia iha inísiu tinan 2023.

“Importante atu rona sira-nia hanoin, hanesan rekomendasaun tinan 2022 atu hadi’a iha tinan 2023, sira-nia proposta no rekomendasaun aprezenta iha reuniaun ne’e sai forsa ba administrasaun Baucau,” Prezidente Autoridade Munisipál Baucau hateten iha Vila Nova, tersa ne’e.

Membru sira sei fó paresér ba ajenda importante hanesan ezekusaun orsamentu tinan 2022, orsamentu tinan 2023, atualizasaun serbisu munisipál protesaun sivíl no planu asaun intervensaun dezastre naturál ho dezafiu serbisu.

Nune’e mos, fó pareser ba progresu servisu no dezafiu inklui rekomendasaun Programa Nasionál Dezenvolvimentu Suku (PNDS) tinan 2022 no timeline tinan 2023, mekanismu distribusaun fini, progrseu atendimentu normalizasaun irrigasaun no demonstrasaun área kultiva natar.

Nune’e mós aprezenta no fó paresér ba progresu konstrusaun fíziku Programa Dezenvolvimentu Integradu Munisipál (PDIM) tinan 2022 no projetu foun tinan 2023 inklui progresu projetu hosi parseiru internasionál no ikus mak proposta hosi juventude munisipál Baucau kona-bá saniamentu.

Bou-Lesa, argumenta, reuniaun refere parte hosi kritéria hodi prienxe rekizitu kondisaun mínima podér lókal iha futuru liuhosi ekipa avaliasaun hosi nasionál.

Reuniaun refere bazea ba dekretu-lei númeru 3/2016, 16 marsu, diploma ministeriál númeru 51/2016, 30 setembru ne’ebé aprova regulamentu konsellu konsultivu munisipál ne’ebé hateten iha artigu 46 katak, PAM integra regulamentu hodi sai norma iha reuniaun konsellu konsultivu munisipál..

Totál membru sira-ne’ebé partisipa iha reuniaun extraordináriu ne’e hamutuk nai’n-50 hosi tótal 79 kompostu autoridade administrasaun, suku no diretór serbisu munisipál liña miniteriál, organizasaun juventude, feto no setór privadu sira.

Jornalista   : Natalino Belo 

Editór         : Evaristo Soares Martins 

iklan
iklan

Leave a Reply

iklan
error: Content is protected !!