iklan

HEADLINE, SAÚDE

Aldeia 1.633 iha munisípiu neen iha sintina seguru no di’ak

Aldeia 1.633 iha munisípiu neen iha sintina seguru no di’ak

Reprezentante UNICEF iha Timor-Leste, Bilal Aurang Zeb Durrani. Imajen Tatoli/Francisco Sony

DILI, 25 janeiru 2023 (TATOLI) – Aldeia 1.633 (74%) hosi munisípiu neen mak iha ona sintina seguru no di’ak, enkuantu munisípiu sira seluk sei iha prosesu implementasaun, Ministériu Saúde(MS) ho Fundu Nasaun Unida ba Labarik  (UNICEF, sigla inglés) fó-sai  dadus ne’e.

Xefe Departamentu Vizilánsia Sanitária no Saúde Ambientál, iha MS, Agostinho de Oliveira, informa, munisípiu neen ne’e mak hanesan Bobonaro, Emera, Liquiça, Aileu, Ainaro no Manufahi mak priénse ona programa Área La Soe Foer Boot Arbiru (ALFA).

Agostinho rekorda katak programa ALFA implementa iha 2015 ne’ebé kobre hotu munisípiu 13 inklui Rejiaun Administrativa Enklave Oe-Cusse no Ambeno (RAEOA) maibé foin mak deklara área la soe foer arbiru no la soe foer boot arbiru ka ALFA iha munisípiu neen.

“Munisípiu ualu mak seidauk deklara mak Dili, Manatuto Buacau, Lautem, Viqueque, Covalima RAEOA, inklui Atauro”, Xefe Departamentu Vizilánsia Sanitária no Saúde Ambeintál, iha MS, Agostinho de Oliveira, dehan bainhira halo avaliasaun nasionál saneamentu ba programa ALFA iha salaun CNE, Colmera, ohin.

Nia informa, munisípiu sira ne’ebé mak seidauk deklara sentina seguru, ba oin presiza kompleta tuir alvu iha 2024,  tenke deklara ona ALFA seguru. Tanba servisu ida ne’e la’ós MS  de’it, maibé ba ministériu relevante sira hanesan Ministériu Obras Publika (MOP) atu haree ba problema bee moos komunidade nian, Ministériu  Administrasaun Estatál (MAE) haree liu ba sosialisazaun informasaun ba xefe suku, xefe aldeia hodi informa ba komunidade atu prevene moras diarea ne’ebé ho kestaun sentina la seguru tanba ne’e presiza iha sintina própriu atu la bele pratika soer fo’er bee boot arbiru.

Iha fatin hanesan, Reprezentante UNICEF Bilal Durani, dehan, Timor-Leste nu’udar nasaun ida ne’ebé planea atu sai livre husi ALFA. Tanba ne’e tenke asegura katak uma ida-idak tenke iha sintina ida.

“Molok Covid-19 ami iha objetivu ne’ebé iha katak atu sai 100%  ba ALFA, maibé iha tinan 2020 ita hasoru dezafiu barak, ami tenke estende tan. Entaun relatóriu ikus husi programa monitorizasaun konjunta iha 2021 katak uma-kain sira iha Timor-Leste atnje 57% mak sentina seguru ona”, Bilal Durani informa.

Tanba ne’e, UNICEF estabelese meta avansadu ida atu atinje 100% saneamentu báziku iha 2024 iha territóriu nasionál.

Jornalista : Felicidade Ximenes

Editór : Zezito Silva

 

iklan
iklan

Leave a Reply

iklan
error: Content is protected !!