iklan

EKONOMIA, HEADLINE, MUNISÍPIU, OÉ-CUSSE (RAEOA)

PT Waskita Karya hahú aterru estrada nasionál Pante Makasar-Nítibe

PT Waskita Karya hahú aterru estrada nasionál Pante Makasar-Nítibe

Empreza Internasionál PT.Waskita Karya Tbk hahú aterru estrada nasionál sub-rejiaun Pante Makasar liga sub-Nítibe. Imajen Tatoli/ Abílio Elo Nini.

OÉ-CUSSE, 30 janeiru 2023 (TATOLI) – Diretór Rejionál Infraestrutura (DRI), Rejiaun Administrativa Espesiál Oé-Cusse Ambeno (RAEOA), Cándido dos Reis Amaral, informa, empreza PT Wakita Karya, Tbk, hahú aterru estrada nasionál pakote I hosi Ponte Noefefan liga ba sub-rejiaun Nítibe to’o Oénunu, suku Suni-Ufe.

“Estrada nasionál hahú la’o, agora nia persentajen to’o ona pursentu 5, daudaun ne’e empreza ateru iha kada sesaun identifika ida-ne’ebé maka risku liu ita presiza halo ateru ne’ebé tanba mai hosi rezultadu ezame ba soil nian hatudu katak, iha parte balu presiza ateru ho kamada no iha parte balu la nesesáriu iha parte sira-ne’e maka empreza hahú halo ona kuaze metru 700 maka aterru ona,” Cândido Amaral informa ba Agência Tatoli iha Oé-Cusse, segunda ne’e.

Nia hatutan, balu halo aterru no balu halo limpeza ba estrada sira, iha espasu ne’ebé maka presiza ba atu halo konstrusaun estrada nian.

Tuir nia, kona-bá dadus ba komunidade afetadu, neste mumentu seidauk iha dadus kona-bá família afetadu tanba tanba parte tékniku hosi, Servisu Água Saneamentu (SAS), Diresaun Rejionál Agrikultura, Departamamentu Ponte no Estrada sei kontinua halo levantamentu dadus iha terrenu.

“Empreza seidauk halo serbisu ne’ebé signifikadu liu tanba sira tenke hahú halo dezeñu, tau estaka, DRI liuhosi servisu ponte estrada, simu orientasaun hosi Prezidente Autoridade atu kontinua halo akompañamentu nafatin, nune’e servisu ne’e bele la’o di’ak, liuliu dezeñu minimiza impaktu sira nune’e labele impede progresu servisu,” nia katak.

Direitór Obra Públika ne’e, informa, iha janeiru ne’e empreza Waskita Karya konvida hodi observa ona materiál sira iha Jakarta, Indonézia, kona-bá ponte nian, tanba estrada nasionál sei konstrui ponte boot rua iha Oénunu, suku Suni-Ufe no Tula-Ika, suku Lifau.

“Ita hein katak iha semana rua nia laran, materiál sira-ne’e to’o Oé-Cusse, nune’e bele hahú halo ona servisu dahuluk ba konstrusaun ponte nian, ita espera komunidade sira kontribui iha prosesu ne’e rasik,” nia afirma.

Nune’e dadaun ne’e empreza hahú servisu topografia, empreza hahú identifika, tau estaka no imput iha data no dezeñu, depois sei aprezenta ba DRI no Prezidente Autoridade, atu haree ida-ne’ebé maka ita aseita liuhosi koresaun iha períodu ida-ne’e.

Karik hetan ona aprovasaun, sira bele hahú ona tau estaka fila-fali, hodi haree karik afeta ai-horis, rate, no fasilidade públika liga ba ema barak nia moris, tenki kuidadu, sei nesesariu duni atu muda, entaun servisu relevante sira hein koordenasaun, sira asumi kedas sira-nia responsabilidade no bele rezolve imediatamente.

Entretantu, projetu ne’e Autoridade Rejiaun Administrativa Espesiál Oé-Cusse Ambeno (RAEOA), lansa iha 19 agostu 2022 no distánsia konstrusaun ba estrada nasionál ne’e hamutuk kilómetru 16, hahú hosi ponte Noefafan, suku Lifau, envolve suku Taiboko sub-rejiaun Pante Makasar to’o Oénunu, suku Suni-Ufe sub-rejiaun Nítibe.

Nune’e empreza internasionál PT. Waskita Karya, mak ezekuta ho valór estimadu hamutuk millaun $23, autoridade RAEOA prevee hosi Orsamentu Jerál Estadu (OJE) 2022 ho durasaun servisu durante fulan 18.

Jornalista: Abílio Elo Nini
Editór: Evaristo SoaresMartins

iklan
iklan

Leave a Reply

iklan
error: Content is protected !!