Espesiliasta: Pasiente rins iha janeiru rejista 13 no lakon vida nain-rua
DILI,01 fevereiru 2023 (TATOLI) – Espesialista Neofrolojia iha Hospitál Nasionál Guido Valadares (HNGV), Gustavo Rosario da Cruz, dehan, unidade neofrolojia rejista iha janeiru, pasiente rins na’in-13, hosi númeru ne’e nai-rua mak lakon vida tanba moras komplikadu.
‘’Iha fulan janeiru 2023 unidade neofrolojia rejista pasiente na’in-13, husi númeru ne’e na’in rua mak lakon vida tanba moras komplikasaun’’, Gustavo hateten ba Tatoli iha nia kna’ar fatin, HNGV, ohin.
Gustavo esplika katak fase raan nia kauza iha buat lima, mak hanesan raan midar, tensaun, rins, polikistiku, obsturksaun, no mós moras primaria sira, entaun moras ne’e mak predomina lori pasiente ne’e to’o hetan rins avansadu.
Nia husu ba família sira bainhira médiku sira deteta ona pasiente katak nia moras rins tenke koopera ho profisionál saúde atu atende lalais. Labele husu atu alta bainhira moras sei grve.
Atu ko’alia kona-ba ekipamentu, Gustavo afirma katak ekipamentu iha HNGV sufisiente hela atu halo tratamentu tanba unidade neofrolojia iha makina fase raan iha 14 ne’ebé konsentra hotu iha Dili, tanba ne’e, ba oin Governu bele investe tan ba munisípiu sira liuliu ospitál referrál tanba kazu fase ran maioria mai husi munisípiu sira.
Tuir nia katak rekursu umanu mós sufisiente hela maibé ba oin presiza halo kapasitasaun ba médiku sira atu bele kobre hotu ba munisípiu liuliu ospitál referál sira”, nia revela.
Nia rekorda katak unidade neofrolojia, iha 2022 rejista ona pasiente fase ran hamutuk 47 husi númeru ne’e 19 mak lakon vida.
Jornalista : Felicidade Ximenes
Editór : Zezito Silva
