iklan

NASIONÁL, EDUKASAUN, DILI, HEADLINE

DNDPE konsidera ADN mak difikulta konstrusaun projetu kapitál dezenvolvimentu

DNDPE konsidera ADN mak difikulta konstrusaun projetu kapitál dezenvolvimentu

Diretór Nasionál Dezenvolvimentu Parke Eskolár, Agostinho Soares. Imajen Tatoli/Francisco Sony

DILI, 15 fevereiru 2023 (TATOLI)–Diretór Nasionál Dezenvolvimentu Parque Eskolár (DNDPE), Agostinho Soares, konsidera konstrusaun projetu kapitál dezenvolvimentu tolu iha Dili, Liquiça no Bobonaro-Atabae paradu tanba difikulta hosi Ajénsia Dezenvolvimentu Nasionál (ADN) halo verifikasaun pagamentu ba kompañia sira.

Notísia Relevante: DNDPE ezije projetu kapitál dezenvolvimentu tenke konklui iha maiu

Nia hatutan, konstrusaun iha eis eskola Tékniku Vokasionál Hera ne’e la’ós paradu maibé atrazu iha prosesu verifikasaun pagamentu hosi Ajénsia Dezenvolvimentu Nasionál (ADN), tanba ne’e mak fó impaktu ba prosesu konstrusaun ba eskola refere inklui eskola ida iha Bobonaro-Atabae no ida iha Liquiça.

“Ha’u hakarak dehan konstrusaun ba projetu kapitál dezenvolvimentu tolu ida iha eis eskola tékniku vokasionál (TEKVOK) Hera, eskola tékniku vokasionál (TEKVOK) Bobonaro no eskola ensinu sekundáriu jerál (ESG) Liquiça atraza ne’e laloos kompañia sira mak laiha responsabilidade, maibé prosesu pagamentu hosi ADN mak tarde,” Diretór ne’e hateten ba Agência Tatoli iha nia kna’ar fatin, Vila Verde, kuarta ne’e.

Tanba ne’e, DNDPE la konsidera Kompañia sira mak laiha responsabilidade maibé pagamentu ba kompañia sira-ne’e mak difikulta, tanba depende ba progresu fíziku ne’ebé rekomenda hosi AND no bainhira rekomendasaun mak tarde, konserteza pagamentu ba kompañia sira mós atraza entaun implika mós ba progresu fíziku sira.

“Semana kotuk ami halo ona notifikasaun ba Kompañia sira-ne’ebé kaer projetu kapitál dezenvolvimentu hanesan iha eis eskola Hera, ESTV Atabae inklui ESG Liquiça hodi husu ba sira bele kontinua nafatin sira-nia servisu ba konstrusaun eskola sira-ne’e,” nia dehan.

Tuir informasaun, nia hateten, eskola ESG Liquiça no Eskola Tékniku Vokasionál Atabae hahú ona sira-nia servisu horisehik no Hera nian ohin badeersan sira komesa tula ona kuda-kuda atu nune’e ba oin sira bele hahú halo ona servisu.

Hein katak, kompañia sira bele hatudu nafatin sira-nia responsabilidade atu bele aselera tiha konstrusaun ne’e, hodi nune’e bele entrega ba Ministériu Edukasaun atu prepara ba inaugurasaun.

Notísia Relevante: DNDPE konklui ona projetu kapitál dezenvolvimentu hitu iha munisípiu lima

Jornalista : Tomé Amado

Editór       : Cancio Ximenes   

iklan
iklan

Leave a Reply

iklan
error: Content is protected !!