Governasaun di’ak prioridade bainhira UNDERTIM povu fó fiar
DILI, 26 abríl 2023 (TATOLI) – Prezidente Partidu Unidade Nasionál Demokrátika Rezisténsia Timorense (UNDERTIM), Francisco Guterres, hateten bainhira UNDERTIM manan iha elisaun mak sei garante boa governsaun iha Timor-Leste.
“Bainhira ami liu bareira sei hamosu boa governasaun iha ita-nia rain tanba ita haree katak funsionáriu Estadu sira, Governu troka hotu tau fila fali ema sira ne’ebé mak apoiu polítiku, entaun ida ne’e ladún di’ak ba ita-nia rain”, Francisco Guterres, informa iha konferénsia imprensa iha sede nasionál UNDERTIM, Becusse, ohin.
Nia dehan, funsionáriu públiku sira ne’e, povu mak selu tanba ne’e labele hasai hasai sira bainhira partidu ruma manan iha eleisaun.
Iha konferensia imprensa ne’e, hetan seguransa másimu husi Polísia Nasionál Timor-Leste no hetan supervizaun husi Komisaun Nasionál Eleisaun (CNE).
Jornalista : Felicidade Ximenes
Editór : Zezito Silva
