Marsu-abril dengue afeta ba labarik iha Dili hamutuk 475 no óbitu ida
DILI, 28 abríl 2023 (TATOLI) – Diretora Servisu Saúde Munisípiu Dili, Agostinha segurado, dehan iha fulan marsu to’o abril kazu denge ne’ebé afeta ba labarik ho idade menus 14 mai kraik iha Munisípiu Dili hamutuk 475 no óbitu ida.
“Iha fulan marsu to’o abril, ita rejista kazu dengue hamutuk 475, husi ne’e, ita rejista iha fasilidade saúde iha Dili ne’ebé afeta ba labarik ho idade menus 14 mai kraik”, Agostinha Seguardo informa iha nia kna’ar fatin Formoza, ohin.
Nia hateten, kazu dengue ida ne’e barak liu iha Postu Administrativu Bom Aleixo no tuir mak Postu Administrativu Cristo Rei, Vera Cruz, Nain Feto no Metinaro.
“Kazu ne’e barak afeta liu iha Postu Administrativu Dom Aleixo, tanba ne’e ha’u husu ba populasuan iha Dili nafatin limpeza iha ida idak nia uma oin atu nune’e prevene moras ida ne’e, hanesan roda at sira tenke hakoi, labarik sira tenke toba iha muskiteriu laran”, nia afirma.
Nia dehan, kona-ba aimoruk fomigasaun, nafatin sufisiente bainhira iha kazu, ekipa sira tun halo intervensaun kedas iha área risku sira.
“Ita-nia aimrouk fomigasaun, ita nafatin sufisiente bainhira iha kazu ita-nia ekipa tun halo kedas intervensaun”, nia esplika.
Hosi janeiru to’o horseik, Servisu Saúde Munisípiu Dili rejista kazu dengue hamutuk 640 resin husi númeru ne’e óbitu tolu.
Jornalista : Felicidade Ximenes
Editór : Zezito Silva
