LAUTÉM, 07 maiu 2023 (TATOLI)- Bazea ba kalendáriu CNE, tuir lolos Partidu Libertasaun Populár Ampla (PLPA) hala’o atividade Komísiu kampaña Polítika iha Munsípiu Lautém ne’ebé sei realiza iha Lospalos iha domingu ne’e ho tipu dialágu maibé kansela tanba kestaun téknika.
Adjuntu Sekretáriu jerál PLPA, João Adito Pereira, informa, liuhosi telefone hateten katak PLPA nia programa kampaña la realiza iha Munsípiu Lautém tanba kestaun téknika no laduun iha preparasaun di’ak.
“Esturutura PLPA nasionál deside kansela komprimísiu kampaña polítika iha Munisípiu Lautém tanba fallansu téknika no laiha preparasaun husi estrutura PLPA sira iha Munisípio Lauté,” Adjuntu Sekretáriu jerál João Adito Pereira, ba TATOLI liuhosi telefone, ohin.
Iha biban ne’e, Diretór CNE Munisípiu Lautém, Anacleto Lopes informa, estrutura PLPA Munisípiu Lautém ladun iha kooperasaun di’ak ho CNE Munisípiu Lautém, ho ne’e PLPA deside hodi kansela atividade kampaña iha Munisípiu Lautém.
“Partidu Polítiku iha dever atu hata’o kompromísiu polítika ba sira-nia militante no simpatizante iha kada munisípiu maibé kuandu sira kansela, ne’e sira-nia direitu. CNE la obriga sira,” nia dehan.
Journalista : Camilio de Sousa
Editora : Nelia Borges
