iklan

Uncategorized

STAE-Lautém oferese formasaun ba ofísial eleitorál 430

STAE-Lautém oferese formasaun ba ofísial eleitorál 430

Photo Tatoli/Camilo de Sousa

LAUTEM, 08 maiu 2023 (TATOLI)- Diretór Secretariado Tékniku Administrasaun Eleitoral ( STAE) Munisípiu Lautém, Sergio Belmonte, informa STAE-Lautém ohin fó formasaun  ba ofísial eleitoral hamutuk nain 430,  hodi esplika sira-nia papél oinsá fó susesu ba eleisaun parlamentár 2023 ne,ebé sei realiza iha 21 may.

“Ita fó formasaun ba ofísial eleitorál hamutuk 430   kona-ba papél sira nian,kada ofísial sei halo durante prosesu votasaun iha kada sentru votasaun inklui regra sira kona-ba prosesu kontajen  votus bazea  ba regulamentu lei numeru 9/ 2017 no artigu saida smak regula kona-ba klasifikasaun votu hodi nune’e bele implementa ho di’ak iha sentru votasaun sira,” Diretór CNE Munisípiu  Lautém, Sergio Belmonte  informa ba TATOLI iha GOR Kartini I Lospalos, iha segunda ne,e.

Nia esplika iha formasaun ida ne,e atu introdúz mós utilizasaun kódigu penal krime eleitór artigo 229 to’o artigu 242  wainhira infrenta krime eleitorál iha sentru votasaun sira.

“Sira mós tenke itende diak lei kódigo  penál sira iha krime eleitorál artigu  229 to  242 ne,ebé  koali’a kona-ba fraude eleitorál, utilizasaun farda ka uniforme, labele hasai fotografia iha urnas  no aktu proibidu sira seluk, atu nune’e bele kolabora ho parte justisa hodi fó susesu ba eleisaun parlamentár 2023,” nia dehan.

Diretór  STAE Munisípiu Lautém, Sergio Belmonte,  informa ofísial eleitorál hirak ne,e sei destaka tuir ida- idak nia Postu Administrasun iha Munisípiu Lautém mak hanesan Postu Administrativo, Lospalos, Lore, Iliomár, Lautém, Tutuala no Luro, ho totál Sentru Votasaun hamutuk 100 no estasaun hamutuk 118.

Iha fatin hanesan formadór STAE Munisípiu lautém, Ernesto da Costa, husu ba ofísial hamutuk 430 aproveita oportunidade  ida ne,e hodi intende didiak mat’eria formasaun hirak ne,e hodi bele implementa iha sentru votasaun no estasaun sira iha Lautém.

“Formasaun ida ne,e importante.  Uainhira sira servisu iha  sentru votasaun sira iha loron 21 maiu agora, sira bele hatene sira-nia papél no sira-nia funsaun ho di’ak, nune’e sira bele fó susesu ba eleisaun parlamentár ne,ebé sei mai,” nia dehan.

 

 

Jornalista : Camilio de Sousa

Editora: Nelia Borges

iklan
iklan

Leave a Reply

iklan
error: Content is protected !!