iklan

BOBONARO, ELEISAUN, HEADLINE, MUNISÍPIU, SEGURANSA

Eleisaun parlamentár iha Bobonaro la’o ho ambiente hakmatek

Eleisaun parlamentár iha Bobonaro la’o ho ambiente hakmatek

Komandante PNTL Munisípiu Bobonaro, Superintendente Antoninho Mauluta. Imajen Tatoli/Sérgio da Cruz.

MALIANA, 26 maiu 2023 (TATOLI)-Komandante Polísia Nasionál TImor Leste (PNTL) Munisípiu Bobonaro, Superintendente Xefe Antoninho Mauluta, Informa, hahú prosesu eleisaun parlamentár to’o remata iha munisípiu refere la’o ho ambiente hakmatek.

Nia agradese maturidade povu, líder polítiku no  grupu arte-marsiál sira-ne’ebé koopera di’ak ho autoridade seguransa hodi garante situasaun pás no dame hodi fó susesu ba festa demokrasia ne’e.

Notísia relevante: CNE husu PNTL Bobonaro atua polítiku sira-ne’ebé kontinua dor to dor iha baze

“Ita hahú kedas iha kampaña mai to’o agora laiha atu ataka malu. Ida-ne’e mak ita observa grupu arte-marsiál no rituál sira-nia apoia ba seguransa másimu,” nia ko’alia iha Maliana, sesta ne’e.

Tuir rezultadu apuramentu munisipál hosi STAE hatudu katak eleitór iha munisípiu hamutuk na’in-58,659 mak ezerse sira-nia direitu votu iha eleisaun parlamentár, 21 maiu 2023.

Hosi númeru ne’e,  taxa partisipasaun 80,87%. Hosi númeru ne’e iha votu nulu 963 (1,64%), branku 147 (0,25%),  reklamadu 43 (0,07%), rezultadu ne’e hatudu totál votu válidu 57,495 (98,02).

Notísia relevante: PNTL Bobonaro sei asegura materiál eleisaun nu’udar entidade alta

Jornalista: Sérgio da Cruz

Editór: Evaristo Soares Martins

iklan
iklan

Leave a Reply

iklan
error: Content is protected !!