Profisionál saúde Bobonaro tuir formasaun planeamentu familiár
MALIANA, 22 juñu 2023 (TATOLI) – Profisionál saúde sira iha munisípiu Bobonaro tuir formasaun kona-bá padraun planeamentu familíar ne’ebé fasilita hosi Institutu Nasionál Saúde Públika Timor-Leste (INSPTL).
Xefe departamentu peskiza INSPTL, Caetano Gusmão, esplika, profisionál saúde ne’ebé partisipa iha programa ne’e ho durasaun loron 15 ne’e hamutuk ema na’in-15 komposta hosi parteira, médiku no enfermeiru sira.
Notísia relevante: MS-MAP no Menzies lansa projetu Brucelose iha TL
“Formasaun ne’e foka liu oinsá mak atubele hasa’e sira-nia koñesimentu, sira-nia abilidade no atetude, atubele hala’o servisu family pleaning nian bele la’o ho di’ak no kualidade tuir ita-nia misaun no vizaun saúde nian katak tenke presta serbisu kualidade ba populasaun sira,” Caetano Gusmão informa ba jornalista sira, iha edifísiu CVTL filiál Maliana, kuarta ne’e.
Nia hatutan, formasaun ne’e nu’udar prosesu ida atu sai fornesidór ida-ne’ebé di’ak, nune’e profisionál saúde sira bele suporta nafatin sistema servisu no servisu hamutuk ho parseiru Mery Sthopes.
INSPTL sei nafatin fó formasaun ba profisionál saúde sira-ne’ebé mak iha territóriu Timor laran tomak inklui profisionál saúde munisípiu Bobonaro sira seluk.
“Programa planeamentu familiár ida-ne’e sei kontinua nafatin formasaun, iha mós atividade sira seluk fulan tolu ka fulan neen mai, ita sei haree avaliasaun ba sira-nia koñesimentu no abilidade ne’ebé sira aprende durante loron 10, ita bele sukat sira-nia kompeténsia kona-ba implementasaun iha baze, liuliu ba iha planementu familiár,” Caetano dehan.
Enkuantu programa refere finansia hosi Orsamentu Jerál Estadu ne’ebé aloka ba Ministériu saúde hodi implementa iha munisípiu hotu-hotu.
Notísia relevante: Saúde Bobonaro la hetan distribuisaun ai-moruk tipu rua
Jornalista : Sérgio da Cruz
Editór : Evaristo Soares Martins
