Loron dahuluk hala’o knaar, Xanana to’o iha Palásiu Governu tuku 08:15
DILI, 03 jullu 2023 (TATOLI)—Loron dahuluk hala’o knaar nu’udar Primeiru-Ministru (PM), Kayrala Xanana Gusmão, iha segunda ne’e, to’o iha knaar fatin, Palásiu Governu, iha tuku 08:15 dadeer.
Xanana no membru IX Governu Konstitusionál hamutuk na’in-46 simu pose iha loron sábadu (01/07) ba períodu tinan-lima, 2023-2028.
Primeiru-Ministru to’o iha Palásiu Governu ho transporte Primeiru-Ministru, akompaña hosi karreta seguransa rua (oin no kotuk).
Xanana to’o iha Palásiu Governu tama liu ba ninia fatin serbisu, ne’ebé bainhira to’o iha fatin la simu hosi funsionáriu ruma, maibé membru seguransa sivil no membru Polísia Nasionál Timor-Leste destakadu maka hambriik iha odamatan Palásiu nian hodi komprimenta.
Notísia relevante : PM Xanana: “Loron 120 sei anula lei kria munisípiu Ataúro-konsolida pás”
Iha biban hanesan, Ministru Prezidénsia Konsellu Ministru, Agio Pereira to’o iha Palásiu Governu iha tuku 08:24 ho karreta xapa kor azul ho númeru matríkula 004, ne’ebé akompaña hosi seguransa.
Jornalista : Antónia Gusmão
Editora : Julia Chatarina
