MALIANA, 07 jullu 2023 (TATOLI)- Administrasaun munísipiu Bobonaro, ezekuta ona Orsamentu Jerál Estádu (OGE, sigla portugés) tinan 2023 ho montante $4,077,179.99 ekivalente ho 60,52%.
Ezekusaun ne’e aponta iha trimestre daruak, hahú hosi fulan-janeiru to’o juñu, munisípiu Bobonaro ezekuta ona $4,077,179.99 reprezenta (60,52%) hosi totál orsamentu $6,733,806.00.
Portantu Ezekusaun refere ninia persentajen iha trimestre daruak sa’e to’o 60,52% tanba implementa programa merenda eskolár transfere kedas ba konta Servisiu Munisipál Edukasaun 100%.
Notísia relevante: Autoridade Bobonaro propoin PDIM 11 iha OJE 2023
“Ita-nia relatóriu trimestre daruak to’o 30 juñu ne’e haruka ona ba Ministériu Finansa,” Prezidente Autoridade Munisipál Bobonaro, Ernesto de Oliveira Barreto, ko’alia iha Maliana, kinta ne’e.
Administrasaun munisípiu Bobonaro hetan alokasaun $6,733,806.00. Hosi montante ne’e fahe ba kategoria hitu mak hanesan Employee Costs $1,976,088.00, totál Ezekusaun $973,940.52 (49,29%) no Balansau $1,003,147.48.
Current Gooads Acquisition $250,509.00 totál Ezekusaun $142,985.00 (56,51%) no Balansu $90,024.00, Current Services Acquisition $297,787.00 totál ezekusaun $154,888.57 (51,82%) no Balansu $123,421.43.
Rentals $23,195.00, total ezekusaun $16,782.50 (72,35%) no Balansu $6,412.50, Current Tranfers $3,629,394.00 totál Ezekusaun $2,585,548.88 (71,24%) no Balansu $843,069.12.
Nune’e moos Capital Goads Acquisition $543,554.00, totál ezekusaun $201,051.52 (36,99) no Balansu $53,502.48, Capitál Services Acquisition $13,279.00 totál ezekusaun $1,982.00 (14,93%) no Balansu $11,297.00.
Hosi montante orsamentu inisiál $6,733,806.00, orsamentu atuál $,6,737,418.50, Imviroment $3,612.50, gastu atuál $3,537,526.92, Obrigasaun $539,653.07, kompromisu $530,364.50, totál ezekusaun $4,077,179.99, progresu ezekusaun atinje ona 60,52% no Balansu sei iha $2,129,874.01.
Notísia relevante: Governu hatuur fatuk dahuluk ba projetu estrada urbana Maliana
Jornalista: Sérgio da Cruz
Editór: Evaristo Soares Martins
