iklan

HEADLINE, SEGURANSA

Konfrontu iha Bobonaro rezulta uma rua hetan estragu

Konfrontu iha Bobonaro rezulta uma rua hetan estragu

DILI, 10 jullu 2023 (TATOLI) – Portavós Komandu Jerál Polísia Nasionál Timor-Leste (PNTL), Superintendente Polísia António da Luz, dehan konfrontu ne’ebé akontese iha Suku Ritabou, Postu Administrativu Maliana rezulta komunidade nia uma rua hetan estragu no polísia Bobonaro suspeita ona ema na’in-ida iha konfrontu ne’e.

“Horikalan mós akontese iha Bobonaro, iha grupu rua ne’ebé mak asalta malu, entre 77 no Kolimau, rezulta komunidade sira-nia uma rua mak hetan estragu. Ita-nia PNTL iha Bobonaro halo ona identifikasaun. Agora daudaun asegura hela suspeitu ida no sei buka tan suspeitu sira seluk ne’ebé envolve iha kazu konfrontu ne’e”, Superintendente Polísia António da Luz hateten ba jornalista sira iha iha Komandu Jerál PNTL, segunda ne’e.

Nia husu ba hirak ne’ebé envolve iha konfrontu ne’e atu entrega aan ba polísia atu bele halo prosesu investigasaun.

“Tanba ita hatene halo problema, ita tenke responsabiliza ba aktus sira ne’ebé mak ita halo. PNTL husu ba maluk sira ne’ebé mak envolve iha kazu asaltu malu ne’ebé estraga komunidade nia uma atu bele entrega ba parte polísia atua bele prosesu tuir prosesu legál ne’ebe mak iha”, nia inklui.

Jornalista: Natalino Costa

Editór : Zezito Silva

iklan
iklan

Leave a Reply

iklan
error: Content is protected !!