iklan

SAÚDE

MS – EUA aborda kestaun kobertura saúde universál iha enkontru nível altu

MS – EUA aborda kestaun kobertura saúde universál iha enkontru nível altu

Ministra Saúde, Elia dos Reis Amaral. Imajen/ TATOLI

DILI, 19 setembru 2023 (TATOLI)— Hasa’e ambisaun ba saúde no moris-di’ak iha mundu, Timor-Leste liuhusi Ministériu Saúde (MS) ho delegasaun sira hamutuk ho nível altu sira iha Estadu Unidu Amérika (EUA) hasoru malu.

“Ministra Saúde Elia dos Reis Amaral, reprezenta Estadu Timor-Leste (TL) nune’e mós Ministériu Saúde (MdS) hodi partisipa iha enkontru nível altu kona-ba Pandemic, Prevention, Preparedness and Response (PPPR – Pandemia, Prevensaun, Preparasaun no Responde), ba kobertura saúde universál hasae ita-nia ambisaun ba saúde no moris-di’ak iha mundu,” refere komunikadu ne’ebé TATOLI asesu husi MS, ohin.

Husi Kobertura Universál Saúde expande ema hotu nia ambisaun iha aspetu saúde no bem-estar mundialmente iha postu Covid, ko’alia mós kona-ba luta kontra tuberkoloze mundialmente ho temátiku hamutuk hapara Tb resposta globál urjente ba epidemia globál.

Sorin seluk MS mós sei partisipa iha enkontru nível altu ne’ebé ko’alia kona-ba temátiku avansa siénsia, finansas no inovasaun, no sira-nia benefísiu, atu hapara kedas epidemia globál kona-ba tuberkuloze, liu-liu hodi asegura asesu ne’ebé justu ba prevensaun, teste, tratamentu no kuidadu.

Promove avansu siénsia, finansas ho inovasaun, nune’e mós ninia benefísiu sira, hodi hakotu urjentemente epidemia globál TBC nian. Partikularmente, garante asesu ekitativu no prevensaun, teste no mós tratamentu inklui kuidadu báziku sira.

Notísia relevante:Menzies halo peskiza nasionál TBC iha munisípiu 10 deteta pozitivu 117

Enkontru refere atu tau hamutuk hanoin hosi parte hot-hotu hodi fortalese progresu nune’e kumpri objetivu dezenvolvimentu sustentável, hodi bele atinje kobertura universál saúde iha tinan 2030.

Tema jerál hosi enkontru nível altu nian mak halo mundu sai seguru, kria no mantein dinámika polítika no solidariedade ba prevensaun no responde ba pandemia inklui ninia preparasaun sira.

Rezultadu hosi enkontru nível altu nian sei sai hanesan deklarasaun polítika mundialmente ne’ebé sei foku ba mobiliza vontade polítika iha nível nasionál, rejionál no internasionál ba prevensaun pandemia, responde no ninia preparasaun sira.

Notísia relevante:OMS apresia TL foku ba saúde públiku

Jornalista: Felicidade Ximenes

Editór: Rafael Ximenes de A. Belo

iklan
iklan

Leave a Reply

iklan
error: Content is protected !!