ME sei distribui kaderneta eskolár rihun 20-resin
BOBONARO, 26 setembru 2023 (TATOLI) – Ministériu Edukasaun (ME) ajenda ona katak iha semana oin sei lansa distribuisaun kaderneta eskolár hamutuk rihun 20-resin ba eskola sira iha territóriu nasionál.
Notísia relevante: Estudante rihun 10-resin iha Manatuto laiha kaderneta eskolár
“Semana oin ami mós lansa distribuisaun kaderneta eskolár por volta rihun 20-resin, antes de fin de ezame nasionál ou ezame pasajen de klase ita espera iha eskola hotu-hotu bele iha ona, se laiha mós pelumenus balu iha dadaun ona, maibé servisu la’o kontinua atu kompleta kaderneta eskolár,” Ministra Edukasaun, Dulce de Jesus Soares, informa ba jornalista sira, iha Omelai, segunda ne’e.
Nia dehan, governu iha responsabilidade atu halo distribuisaun ba eskola hotu, tanba daudaun ne’e iha hela prosesu imprensaun.
Notísia relevante: Sentru Impresaun Comoro falta suratahan atu prodús kaderneta eskolár
Jornalista: Sérgio da Cruz
Editór: Evaristo Soares Martins
