DILI, 06 outubru 2023 (TATOLI)—Sekretária Téknika Administrasaun Eleitorál (STAE) rekruta ofisiál eleitorál 2.675 iha territóriu hodi apoia eleisaun suku hodi hili xefe suku no konsellu suku ba períodu 2023-2030 ne’ebé sei realiza iha iha 28 outubru 2023 ne’e.
Notísia Relevante: Fazeadamente STAE distribui ona materiál eleisaun suku ba munisípiu sira
Diretór Jerál Sekretária Téknika Administrasaun Eleitorál (STAE), Acilino Manuel Branco, hateten eleisaun ba konsellu suku sei organiza hosi líder komunitáriu sira no STAE sei fahe de’it kaixa votasaun ne’ebé fó apoia tékniku no monitoriza prosesu eleitorál.
“Timor-Leste agora daudaun iha suku 2,233, suku 452 no postu administrativu 67, tanba ne’e ami tenke rekruta ema atu apoia meza eleitorál iha suku no suku sira iha territóriu nasionál,” Acilino Manuel Branco hateten ba Agência Tatoli liuhosi programa “Entrevista Eskluziva” iha estúdiu Farol, foin lalais ne’e.
Nia dehan, la hanesan ho eleisaun prezidensiál no parlamentár sira, tanba la presiza uza tinta indelevél ne’ebé labele haree no dokumentu ne’ebé sei aprezenta iha estasaun votasaun bele de’it hanesan kartaun votante.
Diretór ne’e esplika, atu ema ida bele sai xefe suku ne’e sira tenke kumpre rekezitu sira tuir mai ne’e sai sidadaun Timor-Leste, pelumenus tinan 17, kompleta formuláriu aplikasaun iha STAE no hatama fotografia hodi prodús bulletin votu.
Tanba ne’e, nia husu ba populasaun liuliu ba joven sira ho idade pelumenus 17, atu rejista iha STAE kada postu administrativu sira hotu hodi bele ezerse sira-nia direitu votu iha eleisaun sukui ne’e.
Dadus eleitór Timor-Leste daudaun ne’e hamutuk 893.383 ne’ebé kompostu hosi mane hamutuk 464.400 no feto hamutuk 429.438.
Jornalista : Osória Marques
Editór : Cancio Ximenes
