DILI, 26 outubru 2023 (TATOLI) – Vise Primeiru-Ministru, Ministru Koordenadór Asuntu Sosiál no Ministru Dezenvolvimentu Rurál no Habitasaun Komunitária, Mariano Assanami Sabino, simu delegasaun Fundasaun Universidade Mega Rizky Makasar, Indonézia.
“Objetivu hosi sorumutu ne’e mak Fundasaun Universidade Mega Rizky foti inisiativa hakarak fahe informasaun kona-ba programa estudu ne’ebé iha universidade refere ba estudante timoroan sira hodi ba kontinua estuda iha ne’ebá”, hatete iha komunikadu ne’ebé Agência TATOLI asesu hosi media Visse-PM Assanami, ohin.
Ba kandidatu universitariu Timoroan sira bele hamutuk ho Universidade Mega Rizky Makassar liu hosi fasilidade ne’ebé universidade prepara hanesan Bolsu Estudu.
Ekipa Universidade Mega Rizky mai hosi Sulawesi Selatan partisipa ona iha Espozisaun Edukasaun ne’ebé hala’o ona iha 24 outubru, 2023, iha Pusat Budaya Indonézia.
Ho atividade sira ne’ebé liu ona mak universidade hein estudante foun sira husi Timor-Leste neebé hakarak kontinua sira-nia estudu iha ne’ebá.
Ekipa universidade Mega Rizky kontente tebes, hasoru malu ho Vise Primeiru-Ministru hodi kompartilla informasaun.
Universitáriu ne’e prontu simu timoroan sira atu ba hala’o estudu iha ne’ebá iha área oioin.
Jornalista: Hortencio Sanchez
Editór : Zezito Silva
