iklan

INTERNASIONÁL, DILI, HEADLINE

PR Horta: Funu entre Israel vs Hamas sai preokupasaun boot iha mundu

PR Horta: Funu entre Israel vs Hamas sai preokupasaun boot iha mundu

Prezidente Repúblika, José Ramos-Horta. Imajen Tatoli/Francisco Sony

DILI, 26 outubru 2023 (TATOLI) – Prezidente Repúblika, José Ramos Horta, hateten, funu entre nasaun Israel ho grupu Hamas hosi Palestina sai preokupasaun bo’ot iha mundu tomak.
Nia dehan, triste tebes tanba vítima mak labarik sira, feto inosente iha Gaza mak lakon vida.

“Funu entre israel ho palestina sai preokupasaun bo’ot iha mundu tomak, triste tebtebes, vítima mak kiik oan sira no feto inosente, la’os de’it iha Gaza, klaru Gaza mak sofre liu agora destruisaun totál”, Horta dehan ba jornalista sira iha Palásiu Prezidensiál, ohin.

“Kuitadu, solusaun difisil loos, ha’u ko’alia ho líder sira-nian durante viajen ne’e ho líder Arabi Saudita, líder UEA sira seluk ne’ebé ba partisipa enkontru ne’e, sira hothotu preokupadu oinsá atu rezolve problema ne’e”, Horta haktuir.

Dadaun ne’e, Israel ataka maka’as Sekretáriu Jerál ONU, ejije Sekretáriu Jerál nia rejignasaun, tanba laha medida forte ba situasaun ne’e.

“Ha’u hatete Timor Leste apoia 100% Sekretáriu Jerál atu labele rezigna aan, país CPLP, país sira g7+, movimentu hotu-hotu ASEAN halo deklarasaun apoia Sekretáriu Jerál ONU António Guterres”, Horta friza.

Rekorda katak funu entre Israel ho grupu Hamas hahú iha loron 7 fulan Outubru tinan 2023, konsege hamate ona ema liu rihun lima resin husi Palestina no rihun ida resin hosi Israel.

Notísia relevante : Governu buka opsaun lori fila Timoroan 72 iha Israel mai TL

Jornalista: Hortencio Sanchez

Editór : Zezito Silva

iklan
iklan

Leave a Reply

iklan
error: Content is protected !!