Suku 35 hakat ba volta daruak iha eleisaun komunitária Baucau
BAUCAU, 30 outubru 2023 (TATOLI) – Suku hamutuk 35 hosi munisípiu Baucau hakat ba elisaun komunitária volta daruk iha fulan-novembru mai.
Diretór Serbisu Munisipál Sekretariadu Tékniku Administrasaun Eleitorál (STAE) Baucau, Natividade Freitas, esplika, rezultadu apuramentu aldeia, suku to’o postu administrativu neen fó-sai suku hamutuk 59 iha Baucau, suku 35 mak hakat ba volta daruak hosi totál kandidatura xefe suku 74 no suku 24 mak konsege iha xefe suku volta dahuluk.
“Depois halo tiha apuramentu iha kada suku nia rezultadu ikus lori mai iha postu administrativu no dadus ne’ebé hetan katak iha 59 suku, 35 suku mak hakat ba volta daruak, enkuantu suku 24 iha ona xefe suku eleitu,” Diretór STAE Baucau hateten iha Vila Nova, tersa ne’e.
Tuir Rezultadu apuramentu ne’ebé relata mai STAE munisipiu rezulta kandidatu nain-79 refere hosi suku 35 refere sei hakat ba eleisaun volta daruak iha loron-13 fulan oin tanba la hetan porsentu 50+1.
Suku 35 refere kompostu hosi postu administrativu Baguia iha suku neen no suku haat mak eleitu ona xefe suku, Baucau vila suku hitu mak sei ba volta daruak enkuantu suku haat sei kontinua ba volta daruak.
Postu admistrativu Laga hamutuk suku rua mak sei kontinua ba volta daruak no suku neen mak iha ona xefe suku, Quelicai suku sia sei ba volta daruak no suku neen mak eleitu ona xefe suku.
Postu Vemase suku lima mak seidauk iha xefi suku enkuantu tolu seluk elietu ona sai lideransa suku no postu Venilale suku neen mak seidauk iha lideransa suku, enkuantu suku rua mak iha ona xefe suku eleitu.
“Suku hirak-ne’e sei hakat ba eleisaun volta daruak signifika kandidatu hamutuk na’in-70 hosi suku 35,” Natividade Freitas akresenta.
STAE Baucau planeia kontinua prepra kondisaun ba volta daruak hanesan prepara buletin votu antes to’o loron eleisaun iha loron-13 novembru tuir lei katak antes loron-15 hafoin elisaun volta dahuluk.
Munisípiu Baucau hamutuk suku 59 ho totáll kandidatura xefe suku hamutuk 245 ho tótal sentru votasaun 281 no eleitór rihun 99-resin.
Jornalista : Natalino Belo
Editór : Evaristo Soares Martins
